ҚАЗАҚСТАН РЕСПУБЛИКАСЫ
МӘДЕНИЕТ ЖӘНЕ СПОРТ МИНИСТРЛІГІ
«ҚАЗАҚКОНЦЕРТ»МЕМЛЕКЕТТІК КОНЦЕРТТІК ҰЙЫМЫ» РМҚК
—————————————————————————————————-
ІІ Дүниежүзілік «Астана» театр фестивалінің аясында Ленсовет атындағы Санкт-Петербургтік театрының «Ваня ағай» қойылымының
АНОНС
2018 жылдың 24 маусым күні сағат 19:00-де Бейбітшілік және келісім сарайында Ленсовет атындағы Санкт-Петербургтік академиялық драма театрының «Ваня ағай» қойылымы өтеді.
1933 жылы 19 қарашада өз жұмысын бастаған Ленсовет атындағы Санкт-Петербургтік академиялық театрын И.М.Кролль, Б.М.Сушкевич, Б.В.Зон, Н.П.Акимов және И.П.Владимиров сияқты режиссерлер басқарды. 1996-2006 жылдары режиссер В.Б.Пази басқарса, театрдың қазіргі көркемдік жетекші – театр актері және режиссері Ю.Н.Бутусов. Атақты труппа ресейлік және шетелдік фестивальдерде «Макбет.Кино», «Все мы прекрасные люди», «LIEBE. Schiller», «Три сестры», «КАБАРЕ БРЕХТ», «Город. Женитьба. Гоголь», «Сон об осени», «Комната Шекспира», «Дядя Ваня», «Гамлет» сияқты қойылымдарды сахналап жүріп, «Золотой Софит», «Золотая Маска», «Арлекин», жастарға арналған «Петрополь», «Прорыв» петербургтік театр сыйлықтарына ие болған.
Санкт-Петербургтік академиялық театры Ресей елінің қалаларынан басқа Франция, Германия, Италия, Израиль, Швеция, Швейцария, Греция, Польша, Чехия, Финляндия, Эстония, Белоруссия сияқты мемлекеттерде өнер көрсетті. Театр труппасының құрамында әйгілі Ресей халық артистері Сергей Мигицко, Лариса Луппиан, Анна Алексахина, Семён Стругачёв, Евгений Филатов, Олег Леваков, Владимир Матвеев, Ресейдің еңбегі сіңген артистерінен Анна Ковальчук, Александр Новиков, Светлана Письмиченко, Ирина Ракшина, Елена Комиссаренко және Сергей Перегудов, Лаура Пицхелаури, Олег Андреев, Олег Фёдоров, Сергей Волков, т.б. артистер бар.
Әлемге аты мәшһүр бұл театр ұжымы Елордамызға А.П.Чеховтың «Дядя Ваня» шығармасын тарту етпек. Спектакльдің режиссёрі – Юрий Бутусов, суретші – Александр Шишкин, костюм бойынша суретші – Фагиля Сельская, жарық бойынша суретші – Александр Сиваев, балетмейстер – Николай Реутов, саунд-дизайнер – Фаина Макоева. Бұл қойылым үшін режиссер 2018 жылы Ресейлік ұлттық «Золотая Маска» театр сыйлығымен және «Драмадағы ең үздік режиссерлік жұмыс» номинациясымен марапатталған.
Өтетін орны: Бейбітшілік және келісім сарайы
Күні мен уақыты: 24 маусым күні сағат 19:00-де
Қосымша ақпарат алу үшін осы мекенжайға хабарласуға болады:
«Қазақконцерт» МКҰ» РМҚК
Маркетинг және қоғаммен байланыс бөлімі
Астана қ, Мәңгілік ел 10/1.
тел./факс: +7 7172 -70-53-31