Индустриалды аймақ аумағында өзінің өндірістерін іске қосқан алматылық үш кәсіпорын толығымен пайдалануға енгізілді және қаланың өнімге деген қажеттілігін қамтамасыз етіп отыр. Міне, қазір алматылықтар «DOC Co.LTD» ЖШС жергілікті өндірісінің картридждерін, «Almapack Co.LTD» ЖШС қоспаларға арналған қағаз қаптарын, «BRB APK» жылыжай кешенінің жасаң көкөністерін сатып алып отыр. Кәсіпорындар іске қосылған сәттен бастап, 3,2 млрд. теңгеге өнім өндірді, қала бюджетіне 107 млн. теңге төлем салды және 252 жаңа жұмыс орындарын құрды. Қазір іске қосылған 3 нысан мен 2018 жылдың соңына дейін 12 жобаны қосымша енгізу нәтижесінде, салық мөлшері 1 млрд. теңгеден асады.
«Индустриалды аймақты дамыту әкімдік жұмысының басым бағыттарының бірі болып табылады. Өнеркәсіп аймағын дамыту бойынша ауқымды жұмыс өзінің нәтижелерін беріп отыр. Мысалы, ағымдағы жылы инфрақұрылым құрылысын 62%-ға, ал 2019 жылы толығымен аяқтауды жоспарлап отырмыз. Сол уақытқа қарай біз жұмысы аяқталған жобаларды ескере отырып, 22 инвестициялық жобаны іске асыруды жоспарлап отырмыз», – деп атап өтті өнеркәсіп кәсіпорындары қызметінің мониторингі бөлімінің басшысы Рүстем Ворошилов.
Сөз кезегінде айта кетейік, 2016 жылы Алматы Индустриалды аймағы инфрақұрылыммен 25%-ға, ал 2017 жылы – 40%-ға қамтамасыз етілген болатын.
Бизнесті жүргізудің тиімді жағдайлары мен инфрақұрылымның іс жүзінде толық дайындығы шетелдік және қазақстандық инвесторлар тараптарының Алматы Индустриалды аймағына деген үлкен қызығушылығын тудырады. Өткен жылы өтініштердің саны 2016 жылмен салыстырғанда, 3 есеге артты. Инвесторларды Кәсіпкерлікті қолдау картасының көмегімен рұқсат қағаздарын ресімдеу және алу бойынша әкімшілік кедергілердің төмендетілгені қызықтырады. Бұдан басқа, барлық осындай кәсіпорындар Алматы Индустриалды аймағының бір кластерлік секторында орналасқан. Сондай-ақ, қала әкімі Б.Байбектің тапсырмасы бойынша «Индустриалды аймақ» ЖШС жұмыс тобы және басқарушы компаниясы құрылды, оның міндеті жобаны іске асыруды жеделдетуде инвесторларды сүйемелдеу және оларға барынша көмек көрсету бойынша әрбір инвестормен нақты жұмыс жүргізу. Қазір, Алматы Индустриалды аймағының аумағында 70 гектар бос жер телімі бар. Ал 200 гектардан астам жер телімі инвестициялық жобаларды іске асыру үшін кәсіпкерлік субъектілеріне бөлініп берілді.
Алматы Индустриалды аймағының аумағында өнеркәсіп өндірістерін орналастыру үшін әлеуетті резиденттер +7 (727) 272-24-01, +7 (727) 272-24-09 телефон нөмірлері немесе Республика алаңы, 4, кабинеттер 232, 234 мекенжайы бойынша өтініш жасай алады.
«Алматы Индустриалды аймағы» ЖШС +7 (727) 237-69-10 (12, 13, 14).
Алматы қаласы Кәсіпкерлік және
индустриалды-инновациялық даму басқармасы