2018 жылға дәрі-дәрмекпен қамтамасыз ету: сатып алу қорытындысы, мәселелер, шешу жолдары
26 ақпан 2017ж. Астана қ.
2018 жылғы 26 ақпандағы жағдай бойынша Бірыңғай дистрибьютордың тізімі бойынша 151,59 млрд. теңгеге дәрі-дәрмектің 1037 атауы сатып алынған. Бұл медициналық ұйымдардың жалпы қажеттілігінің 88%-н құрайды (оның ішінде АДҚ қажеттілігі – 85%).
2018 жылға сатып алу кезіндегі үнемдеу қазірдің өзінде 17 млрд. астам теңгені құрады, ал жыл соңына дейін бұл сан едәуір өсетін болады. Үнемделген қаржы қосымша дәрі-дәрмек сатып алуға бағытталатынын айта кетпекпіз.
2018 жылға Бірыңғай дистрибьютордың тізімінде барлығы дәрілік заттар мен медициналық мақсаттағы бұйымдардың 1192 атауы бар. Олардың ішінде 1002 атау стационарлық көмекке арналған, ал амбулаториялық дәрі-дәрмекпен қамтамасыз ету үшін – 494 атау (304 позиция стационар/АДҚ үшін де тоғысады).
Бірыңғай дистрибьюторға тәуелді емес себептер бойынша, дәрілік заттар атауының барлығы бірдей алғашқы реттен-ақ сатып алынған жоқ. Бірыңғай дистрибьютормен 90 күндік қажеттілікті қамтамасыз ету үшін бір көзден алу тәсілімен сатып алу рәсімдері үш рет жарияланды. Жылдық және тоғыз айлық қажеттілікті сатып алуға тендер рәсімдері төрт рет жарияланды. Қазіргі сәтте АДҚ шеңберінде 58 позиция сатып алынған жоқ.
Кеш сатып алынғандықтан (қорытындысы қаңтар-ақпан айларында шығарылған), сатып алынған 78 атаудың ішінде жеткізілімдер былайша жоспарланып отыр: 25 атау бойынша – 25 ақпанға дейін, 23 атау бойынша – 12 наурызға дейін, 40 атау бойынша – 25 наурызға дейін. Қазақстанға ЮНИСЕФ және БҰҰДБ арқылы жеткізілетін тағы 15 атау «СҚ-Фармация» ЖШС қоймаларына 2018 жылғы мамырда жеткізіледі. Бұдан басқа, бүгінде өнім берушілерден Бірыңғай дистрибьютор қоймасына 38 ДЗ жеткізу кешіктіріліп отыр. Оның көп бөлігі 10 наурызға дейін жеткізіледі деп күтілуде.
Қазір БД қоймаларында ДЗ және ММБ 934 атауы бар, ол барлық сатып алынған препараттардың 90%-н құрайды, оның ішінде амбулаториялық дәрі-дәрмекпен қамтамасыз ету үшін қоймаларда ДЗ және ММБ 361 атауы бар және медициналық ұйымдарға жөнелтілуде.
Ағымдағы жағдай бойынша Қазақстан бойынша жалпы сомасы 13 106,9 млрд. теңгеге дәрілік заттар мен медициналық мақсаттағы бұйымдарды жөнелту жүзеге асырылған, оның ішінде:
Астана қаласы бойынша – 28 медициналық ұйымға 1 362,6 млн. теңге сомасына,
Алматы қаласы бойынша – 60 медициналық ұйымға 1 289,60 млн. теңге сомасына,
Маңғыстау облысы бойынша – 15 медициналық ұйымға 339,1 млн. теңге сомасына,
Ақтөбе облысы бойынша – 30 медициналық ұйымға 839,6 млн. теңге сомасына,
Қостанай облысы бойынша 809,0 млн. теңге сомасындағы дәрі-дәрмекті босату дәріханалар желісі арқылы және 5 медициналық ұйымда жүргізіледі,
СҚО бойынша – 21 медициналық ұйымға 564,4 млн. теңге сомасына,
БҚО бойынша 485,7 млн. теңге сомасындағы дәрі-дәрмекті босату дәріханалар желісі арқылы және 5 медициналық ұйымда жүргізіледі,
ОҚО бойынша дәрі-дәрмекті босату дәріханалар желісі арқылы жүргізіледі, жөнелтілім 726,6 млн. теңге сомасында жүзеге асырылған,
Атырау облысы бойынша – 22 медициналық ұйымға 475,1 млн. теңге сомасына,
Ақмола облысы бойынша – 28 медициналық ұйымға 540,8 млн. теңге сомасына,
Қарағанды облысы бойынша – 47 медициналық ұйымға 1 523,8 млн. теңге сомасына,
Қызылорда облысының 21 медициналық ұйымына 633,4 млн. теңге сомасына,
ШҚО 69 медициналық ұйымына 1 464,90 млн. теңге сомасына,
Жамбыл облысында дәріханалар желісі арқылы 683,8 млн. теңге сомасына,
Павлодар облысында 30 медициналық ұйымға 482,2 млн. теңге сомасына,
және Алматы облысының 33 медициналық ұйымына 886,2 млн. теңге сомасына.
Қазіргі сәтте қолда бар препараттар бойынша мәлімделген қажеттіліктің 80%-ын жөнелту жүзеге асырылған. Ақпан айының соңына дейін барлық қолда бар дәрі-дәрмек атаулары бойынша медициналық ұйымдардың қоймаларға келіп түскен атаулар бойынша қаңтар және ақпандағы қажеттілігі толықтай жабылады.