2016 жылы 9 желтоқсанда сағат 15.00-де Ә. Қастеев атындағы ҚР Мемлекеттік өнер музейінде «Династия художников Сидоркины-Исмаилова» (Суретшілер Сидоркин-Ысмайыловтар әулеті) кітабының таныстырылымы болады. «Суретшілер днастиясы» сериясының қанат қақты қарлығашы ретінде ойластырылған осы кітапты дайындап шығаруға идея берген – Алматы қаласы ҚР ұлттық кітапханасының директоры Жанат Сейдуманов.
Евгений Сидоркин мен Гүлфайрус Ысмайылованың шығармашылығы өте танымал әрі сұранысы да мол, ол жөнінде аз жазылған жоқ, бірақ ол белгілі музейлердің, жеке меншік галереялардың, өнертанушылардың, өнерқұмарлардың, коллекционерлер мен журналистердің жіті көңілін аударуын жалғастырып келеді. Алматы мен Астанада , мемлекеттік музейлер мен жеке меншік галереяларда Қазақстан кескіндемесі мен графикасы классиктерінің туындыларының көрмесі қайта-қайта өткізіліп тұрады.
Ә. Қастеев атындағы ҚР Ммлекеттік өнер музейіндегі ең мол жинақтама – Евгений Сидоркин мен Гүлфайрус Ысмайылованың шығармаларының коллекциясы. Г. Ысмайылованың Шара Жиенқұлова мен Күләш Байсейітованың және Шолпан Жандарбекованың портреттерінің триптихы Қазақстан бейнелеу өнер залының дәл орта тұсында орналасқан. Олардың ұлы Вадим Сидоркин де ата-анасының жүрген жолымен жүріп, белгілі суретші болды. Оның «Невада-Семей» (1989 ж.) жұмысы Қастеев музейіндегі Қазақстан бейнелеу өнерінің үшінші залында орналасқан.
Көркемсурет альбомы Қазақстан кескіндемесі мен графикасы классиктерінің ең үздік жұмыстарын ұсынады. Мынау – Евгений Сидоркиннің Мұхтар Әуезовтің «Абай жолы» романына, «Сәкен Сейфуллинді оқығанда» сериясына, «Қазақ эпосы» сериясына иллюстрациялары, «Көкпар» автолитографиялары, «Ғасырлар қойнауынан» сериясынан «Жекпе-жек» және т.б.
Евгений Матвеевич – Қазақстан Республикасының халық суретшісі, Ш. Уәлиханов атындағы Мемлекеттік сыйлықтың лауреаты, Лейпцигтегі кітап көрмелерінде қола және алтын медальдарды, Краковтағы халықаралық биенналеде 1 сыйлық пен алтын медальды жеңіп алған, Венеция мен Будапеште медальмен марапатталған.
Гүлфайрус Ысмайылова тарауына көрнекті мәдениет қайраткрелері Күләш Байсейітова мен Шара Жиенқұлованың, Шолпан Жандарбекованың мен Бибігүл Төлегенованың, Әбілхан Қастеевтің және т.б. портреттері сияқты қазақ кескіндемесінің жауһарлары, суретшінің автопортреттері, керемет натюрморттар мен театралдық эскиздер кірген. Абай атындағы опера және балет театрына суретші көптеген жылын арнады, сонда бас суретші болып қызмет атқарып, 30 шақты спектакльді безендірді.
Замандасымыз, белгілі суретші Вадим Сидоркиннің өнер әлеміндегі, әсіресе опера театрындағы замандастар бейнесі өзіне тартады. Альбомда оның қылқаламынан шыққан Нұржамал Үсенбаеваның, Бақыт Нұрғожаеваның және т.б. портреттерін көреміз. Бұлардан өзге аңызға айналған ел билеуші әйел Томирис бейнесі де өзіне көңіл аудартады. Сидоркин-Ысмайыловтар әулеті Қазақстан бейнелеу өнерінде өшпес ізін қалдырды. ӘРрір шебердің шығармашылығы жайлы кіріспе мақаланы жазған философия ғылымдарының докторы, Қастеев музейінің директоры Гүлмира шалабаева.
Клара Исабаева,
Ә. Қастеев атындағы ҚР МӨМ-нің менеджмент
және сыртқы байланыс орталығының жетекшісі