Мемлекеттік ұлттық киноны қолдау орталығының киножобалары.
Алматыда Almaty Film Days іскерлік алаңы өз жұмысын аяқтады. Іс-шара қыркүйектің 25-і мен 27-і аралығында Қала күні аясында өткізілген. Қала әкімшілігінің серіктестері ретінде Кино орталығы, «Қазақфильм» киностудиясы, «Тикетон» компаниясы, IVI онлайн-кинотеатры және Almaty Film Festival командасы өз үлестерін қосты.
Карантин уақытындағы кино саласының ең өзекті сұрақтары бойынша онлайн форматта бірқатар дөңгелек үстелдер өткізілді.
«Кино және карантин: жаңа өмірде фильмді қалай түсіреміз» дөңгелек үстелі кино саласының қашықтықтан қалай жұмыс жасайтындығына арналса, «Пираттық шығармашылықты өлтіреді» атты дөңгелек үстелде интернет-пираттықпен күресті қалай жүргізу керектігі талқыланған. «Стриминг платформаларындағы қазақстандық контент: мүмкіндіктері мен келешегі» тақырыбындағы дөңгелек үстелде карантин қалай кино тұтынушылығын өзгерткендігі туралы айтылды.
Дөңгелек үстелдердің бейнежазбалары Орталықтың YouTube- @Kazakh cinema арнасында жарияланған.
Сондай-ақ, Almaty Film Days шеңберінде «Тикетон» автокинотеатрларында кино көрсетілімдері өткізілген. Алматы тұрғындары үлкен экранда «Томирис» тарихи драмасы мен шығуына биыл 50 жыл толып отырған, көптеген көрермендердің сүйікті фильмі – «Қыз-Жібек» картинасын тамашалады.