60 мың медициналық маска тегін Алматы облысына тапсырылды
Гуманитарлық көмек түріндегі 60 мың медициналық масканы «Жетісу Вольфрамы» ЖШС Қытайдағы стратегиялық іскери серіктестерімен бірге Алматы облысының әкімдігіне тапсырды. Жалпы, пандемиямен күресу үшін Қазақстанға 220 мыңнан астам бір реттік үш қабатты медициналық маскалар тапсырылды, деп хабарлайды Алматы облысы әкімінің баспасөз қызметі.
Jiaxin International Resources Investment Co., Ltd вице-президенті, «Жетісу Вольфрамы» ЖШС атқарушы директоры Назар Терлеганың айтуынша, медициналық бетперде беру Сыртқы істер министрлігі, Денсаулық сақтау министрлігі және Қазақстанның Қызыл Жарты Ай қоғамының тікелей қолдауымен жүзеге асырылды:
– Коронавирустық инфекцияның таралуымен байланысты қазіргі жағдайда біз корпоративтік әлеуметтік жауапкершіліктің жоғары қағидаларын ұстанамыз. «Жетісу Вольфрамы» ЖШС және Цзянси Коопер Корпорациясы ұсынатын стратегиялық серіктесі Қазақстанның Қызыл Жарты Айы арқылы жедел қызметтерге барлық қолдауды ұсынады. Сонымен қатар, гуманитарлық көмек көрсету – бұл жалпы жұмыстың өте маңызды бөлігі », – деді ол.
Айта кету керек, «Жетісу вольфрамы» ЖШС вольфрам кендерін өндіруге мамандандырылған. Инвестициялық жоба Алматы облысының Еңбекшіқазақ ауданында өткен жылдан бері іске асырылуда, 400 жұмыс орны ашылды. Жобаның жалпы құны 250 млн.