Алексей Цой Қазақстан Республикасындағы эпидемиологиялық жағдай туралы айтты

Нұр-Сұлтан, 2021 ж., 3 тамыз

“Бүгін Үкімет отырысында Денсаулық сақтау министрі Алексей Цой Қазақстандағы эпидемиологиялық жағдай мен коронавирустық инфекцияның таралуын болдырмау үшін қабылданған шаралар туралы айтты”, деп хабарлайды ҚР Денсаулық сақтау министрлігінің баспасөз қызметі.

Эпидемиологиялық жағдайды бағалау матрицасына сәйкес Қазақстан Республикасы 26 маусымнан бастап қызыл аймақта орналасқан. Түркістан облысын қоспағанда, барлық өңірлер қызыл аймақта тұр. Ағымдағы жылғы 3 тамыздағы жағдай бойынша республика бойынша инфекциялық төсек-орынмен қамту 56%-ды, реанимациялық төсек-орынмен қамту 44%-ды құрады. Инфекциялық төсек-орынмен ең көп қамтылу Нұр-Сұлтан қаласында – 67%, Шымкент қаласында – 77%, реанимациялық төсек-орынмен қамтылу Ақмола облысында – 67%, Атырау облысында – 68%, Маңғыстау облысында – 80% және Нұр-Сұлтан қаласында – 80% екені байқалады.

«Денсаулық сақтау министрлігі коронавирустық инфекциясы бар пациенттерді қадағалау бойынша әдістемелік және практикалық көмек көрсету мақсатында Министрліктің жетекші қызметкерлері мен медициналық жоғары оқу орындарының профессорлық-оқытушылық құрамының Қазақстанның 10 өңіріне сапарын қамтамасыз етті. Өңірлерде жағдайды егжей – тегжейлі талдау және бағалау жүргізіліп, жағдайды тұрақтандыру үшін нақты ұсыныстар берілді», – деді А.Цой.

Стационарлардың жүктемесін бағалау матрицасына сәйкес қоңыр қызыл аймақта 4 өңір бар: Алматы, Шымкент қалалары, Атырау және Қарағанды облыстары, оларда төсек-орынмен апталық  қамту көрсеткіші 100 мың тұрғынға шаққанда 200 және одан жоғарыны құрап отыр. Министр 2 тамыздан бастап өңірлерде іскерлік белсенділік теңгерімін және эпидемиологиялық жағдайды тұрақтандыруды ескере отырып және іске асыру шеңберінде шектеу шаралары қабылданғанын атап айтты.

Сонымен қатар, халықты КВИ-ге қарсы вакцинациялау жалғасуда. Бүгінгі күні шамамен 9,4 млн доза вакцина пайдаланылды, оның ішінде вакцинаның 1-ші компоненті 5 480 094 адамға егілді, бұл тиісті халықтың 55,4% – ын құрайды. Вакцинаның екінші компонентімен 3 941 941 адам немесе тиісті халықтың 39,8%-ы қамтылған. Министрлік 4 млн. адамға 8 млн. дозаны қосымша жеткізуге келісімшарттар жасады. Жеткізу кестеге сәйкес жүргізілуде.

«Осыған байланысты, республикада халықтың вакцинацияға қол жетімділігі жеткілікті мөлшерде қамтамасыз етілген», – деп атап өтті Денсаулық сақтау министрлігінің басшысы.

Сондай-ақ, А.Цой Нұр-Сұлтан қаласында сырқаттанушылық динамикасы зерделенгенін, дельта штамы елордада алғаш рет (ағымдағы жылғы 20 маусымнан кейін) анықталғанын атап өтті. Соңғы екі аптада сырқаттанушылық деңгейі сырқаттанушылық көрсеткіштерінен аспай бір деңгейде тұр.

«Тамыз-қыркүйек айларына эпидемиологиялық жағдайдың болжамының негізінде біз 2021 жылдың тамыз-қыркүйек айларында тіркелген жағдайлардың болжамды саны шамамен 250 мың  адамды (орташа есеппен тәулігіне 7 мыңға жуық жағдай) құрайды деген оптимистік сценарий бойынша келе жатырмыз», – деді Министр.

Алайда, оптимистік сценарийді одан әрі дамыту карантиндік шараларды сақтау және тиісті тұрғындарды вакцинациямен қамтуды арттыру кезінде ғана мүмкін болады деп атап айтты, А. Цой