2016 жылы 5 тамыз күні сағат 16.00-де Ә. Қастеев атындағы ҚР Мемлекеттік өнер музейінің орталық көрме залында қалалық «Самоцвет» клубының 45 жылдығына арналған «Өмірге құштарлық» көрмесінің ашылуы болады.
Клуб суретшілері – түрлі кәсіп адамдары. Олар үшін өнер дегеніміз – өмірдің мәні және олардфың әрқайсысы өз картиналарында өздерін қоршап тұрған, көріп жүрген барлық сұлулық пен көркемдікті беруге тырысады.
«Самоцвет» бейнелеу өнері және қолданбалы өнер қалалық клубының мүшелерінің көрмесі әлі де көптеген белгісіз авторларға өздерінің талантын көрсетуге, қалың жұртышылыққа өз өнерін жақсы қырынан танытуға мүмкіндік береді. «Самоцвет» клубының мүшелері өнерге берілген басқа жандар сияқты өз туындыларынөздеріінң жан дүниесімен дүниеге әкеледі. Олардың жұмыстарының мәні терең, мағынасы шынайы болғандықтан, кез келген жастағы көрерменге түсінікті.
Клуб мүшелерінің арасында кәсіби суретшілермне қатар әуесқой суретшілер да бар.Клуб оларға өз ойлары мен өнерлерін көрерменге жеткізуге көмектеседі.
Клуб тарихы кеңес дәуірінен басталады.1971 жылы Алматы облыстық кәсіподақ комитетінің шешімімен облыстағы әуесқой суретшілер бірлестігін құру мақсатымен бірге көрме өткізу, суретшілерге практикалық және консультациялық көмек көрсету, бейнелеу өнері шығармашылығын одан әрі дамытып, өнерді насихаттау мақсатымен «Самоцвет» қоғамдық бірлестігі құрылған болатын.
Кеңес уақытында бұл клуб Қазақстанда ғана емес, Кеңес Одағы бойынша да құрамында 400-ден астам суретшісі бар үлкен ұжым саналды.
Клуб 70-жылдары кеңінен танымал болыып, көптеген халықаралық, бүкілодақтық және республикалық көрмелерге қатысты. «Самоцветтің» бірінші көрмесі 1972 жылы өтті. Қоғамдық бастамамен жұмысын бастаған әуесқой ұйымға Мәдениет министрлігі, Қазақстан Суретшілер одағы бұған мән бере қарады.
Одақтық баспасөз беттерінде клубтың қызмеғт-әрекеті жайлы хабарлар жүре бастады. 1974 жылы Мәскеуде КСРО халықтарының өнері мерекесінде КСРО ХШЖК «Алтын дипломына» ие болды.
Қазақстан бейнелеу өнерінің тарихына зор үлес қосқан республикамыздың белгілі суретшілері мен өнертанушылары В.Антощенко-Оленев, В. Поляков, С. Романов, А. Дячкин, У.Ажиев, Б.Чувылко, искусствоведы-Э.Рассохина, М.Миллер, Н.Полонская, И.Юферова клубтың қызметіне белсене араласты.
Үлкен ұйым болған клуб КСРО-ның ыдырауына байланысты жұмысын доғарды, алайда клуб мүшелері кездесіп тұрады, көрмелерін ұйымдастырады. Қазіргі таңда клубта 40-тан астам адам бар. Олар кәсіпқой шығармашалықты дамытуды өздерінің басты міндеті деп санайды.
2016 жылы клубқа 45 жыл толады. «Самоцвет» клубы өзінің көрмелерін қаланың түрлі галереяларында өткізеді.
Ұзақ жылдар бойы клубтың жетекшісі, одан кейін кураторы болған – Қазақстан Суретшілер одағының мүшесі Юрий Самуиловия Шнейдерман. Ол клубтың іргесі қаланған күннен бастап осының басы-қасында болды. Ол тек суретші ғана емес, ақын жанды кісі еді. Оның өлеңдері де, акварельдері де толы болаты. Одан кейін клубты В.А. Коропоткина қолға алды. Ал қазір Н.Г. Кухаренко басқаруда. Клубқа мүгедек балаларды сауықтыру орталығының директоры. Г.С. Коржинская мен «Вернисаж» галереясының директоры А.И. Петракова клуб жұмысының жандануы үшін мекенжай беріп, көмек қолын созады.
Осы көрмеде өнердің алуан түрі қойылған, олар – қондырғылы кескіндеме, акварель, графика, сәндік-қолданбалы өнер.
Өнермен қауышқысы келетіндердің баршасы үшін клубтың есігі әрдайым ашық.