Ақтөбеде мемлекеттік жеке меншік серіктестік аясында Мұз сарайы мен теннис академиясының құрылысы басталады
Ақтөбеде ағымдағы жылы Мұз сарайының, теннис академиясының, «Жұбановтар әуені» мұражай үйінің және «Аналар үйінің» құрылысын бастау жоспарлануда. Көрсетілген МЖС жобаларының жалпы құны – шамамен 4,8 млрд. теңге. Бұл туралы Ақтөбе облысының сәулет, құрылыс және қала құрылысы басқармасының басшысы Серік Төленбергенов «Ақтөбе ақпарат» ақпарат орталығында өткізген баспасөз мәслихатында мәлімдеді.
– Құрылысы 2016 жылы басталған мемлекеттік жеке меншік серіктестіктің оқушылар сарайы, неке сарайы, жастар сарайы, жекпе-жек сарайы, өлкетану мұражайының ғимараты секілді ірі нысандарының құрылысы аяқталуға жақын. Хоккей модулін іс жүзінде салынып бітті деуге болады, тек құрал-жабдықтарын қондыру ғана қалды,-деп мәлімдеді басқарма басшысы.
Еске сала кетейік, 2016 жылы Ақтөбе облысында мемлекеттік-жеке серіктестіктің бес жобасын жүзеге асыру аяқталды. Соның ішінде психоневрологиялық ауруға шалдыққан балаларға арналған әлеуметтік қызмет көрсету орталығы мен аналар мен балаларға арналған дағдарыс орталығы ашылды. 2017 жылы өңірде 38 МЖС жобасының 27-сін жүзеге асыру аяқталады. 2016-2018 жылдардағы кезеңдерде жүзеге асырылған және жоспарланған МЖС жобаларының жалпы құны – 28 млрд. теңгені құрайды.
2017 жылы Ақтөбе облысында 650 мың шаршы метр тұрғын үй пайдалануға берілмек
Бұл туралы Ақтөбе облысының сәулет, құрылыс және қала құрылысы басқармасының басшысы Серік Төленбергенов «Ақтөбе ақпарат» ақпарат орталығында өткізген баспасөз мәслихатында мәлімдеді.
2017 жылдың қорытындысы бойынша Ақтөбе облысында барлық қаржы көздерінің есебінен кем дегенде 650 мың шаршы метр тұрғын үйді немесе 6000 пәтерді пайдалануға беру жоспарлануда. Соның ішінде «Нұрлы жер» бағдарламасы аясында жергілікті қаражат есебінен халықтың әлеуметтік жағынан аз қамтылған бөлігі үшін жалдамалы тұрғын үй және жергілікті атқарушы биліктің кезекте тұрған өкілдері үшін жалдамалы баспана салу жоспарлануда.
Облыс бойынша жеке тұрғын үй құрылысы үшін жер теліміне кезекте тұрғандар санының 130 мыңнан асатынын ескерсек, өңір үшін басым бағыттардың бірі – жеке тұрғын үй құрылысын дамыту болып табылады.
– Бұл үшін барлық қажетті жағдай бар. Өңірдегі құрылыс индустриясының әлеуеті әлдеқайда жоғары. Тұрғын үй құрылысы үшін, соның ішінде жеке тұрғын үй құрылысы үшін қажет негізгі материалдар мен өнімдер облыстағы кәсіпорындарда салынады. Инертті материалдар қоры да жеткілікті. 2016 жылы құрылыстың құны мен мерзімін төмендетуге мүмкіндік беретін Үй құрылысы комбинаты пайдалануға берілген болатын. ҮҚК технологиялары «Нұрлы жер» бағдарламасы аясындағы жеке тұрғын үй құрылысына бағытталған пилоттық жобада қолданылмақ,-деді Серік Төленбергенов.
Оның айтуынша пилоттық жобаның бірінші кезеңінде «Нұр Ақтөбе» тұрғын үй алабында 423 аз қабатты несиелік тұрғын үй салынатын болады. Бұған қоса, 2018-2020 жылдары аталмыш жобаның екінші кезеңін жүзеге асыру мақсатында 1819 аз қабатты несиелік тұрғын үй салу жоспарда бар.
Айта кетейік, аудандарда салынатын тұрғын үй құрылысының инженерлік-байланыс инфрақұрылымына 7,5 млрд. теңге қарастырылған. Бұл 270,4 шақырымдық электр, газ, сумен жабдықтау және кәріз жүйесін салуға мүмкіндік береді.
«Ақтөбе ақпарат» ақпарат орталығы