Ұзаққа созылған науқастан соң, жазушы, кәсіби журналист, көркемсөз шебері, Қазақстан Журналистер Одағы сыйлығының лауреаты Рахымбеков Смағұл Жұмажанұлы 66 жасында көз жұмды. 40 жылдан аса уақыт Смағұл Рахымбеков Телерадио саласында қызмет жасады. Әдебиет саласында аса белсенді еңбек етті: С. Есенин, В. Баратынский, В. Орлов, В, Гундаревтің өлеңдерін аударды. А. Камюдің «Үш мушкетердің ұлы» романын,
М. Горький, В.Распутиннің әңгімелерін қазақ тіліне аударды.
Қазақстан Республикасы Президентінің Телерадио кешеніне ол 2003 жылы келген. Алты жылдан астам уақыт бас редактор болып қызмет еткен ол 30-ға жуық деректі фильмді жарыққа шығарды. Олар: «Ұлы мақсат жолында», «Әлем таныған тұлға», Астана туралы «Астана сәулеті», «Шыңға шырқау немесе Елорданың болашағы», «Айналайын Астана», «Ғасыр биігінде», «Ғасырлар тоғысында», «Астана – әлем қаласы», «Бүкіл әлемге махаббат», «Астана – город мира», «Любовь к Вселенной», «Вершины Абая», «Мелодии степей», «Молодой балет Астаны», т. б.
Смағұл Рахымбеков көптеген кітап пен өлең жинақтарының («Ару мен Арлан», «Көңілшуағы», «Айдындағы ақ желкен», «Тұңғыш толқын», «Арайлы күндер», «Жыр дестесі, «Кинематография») авторы.
Ол өз еңбегіне лайық мемлекет тарапынан «Ерен еңбегі үшін» медалімен марапатталды. Смағұл Жұмажанұлын әріптестері іскерлігі, мақсатқа жете білетін табандылығы, ал туыған-туыстары мен достары мейірімділігі мен қамқорлығы және төзімділігі үшін бағалайтын.
Қазақстан Республикасы Президентінің Телерадио кешені Смағұл Жұмажанұлының мезгілсіз қазасына қатты қайғырып көңіл айтады.
Асыл азаматтың жарқын бейнесі біздің жүрегімізде мәңгілік сақталып қалады.