ҒЫЛЫМ ЖӘНЕ ЖОҒАРЫ БІЛІМ МИНИСТРЛІГІНДЕ АЛМАТЫ ОБЛЫСЫНДА ОРНАЛАСАТЫН ҚОНАЕВ АКАДЕМИЯЛЫҚ ҚАЛАШЫЛЫҒЫНЫҢ ҚҰРЫЛЫСЫНА ИНВЕСТИЦИЯ ТАРТУ МӘСЕЛЕЛЕРІ ТАЛҚЫЛАНДЫ
Министр Саясат Нұрбек Түркі инвестициялық қорының президенті Бағдад Әміреевпен және Қазақстан Республикасының Катар Мемлекетіндегі Төтенше және Өкілетті Елшісі Арман Исағалиевпен кездесті. Кездесудің басты мақсаты – ірі халықаралық қаржы ұйымдарын Қонаев академиялық қалашығының құрылыс жобасымен таныстыру.
«Өткен жылы Мемлекет басшысы болашақта студенттер мен жастар үшін ғылыми-білім беру және мәдени орталыққа айналуы үшін Қонаевта академиялық қалашық құру мәселесін қарастыруды тапсырды. Жобаның басты идеясы – Алматы қаласына жүктемені азайту. Алматыда 36 жоо бар, 250 мыңға жуық студент оқиды. Біз мегаполистің инфрақұрылымы жыл сайын өсіп келе жатқан студенттерді қамтамасыз ете алмайтынын, оқу ғимараттары мен жатақханалар жетіспейтінін көріп отырмыз», – деп атап өтті министр.
Министр қонақтарға жаңа академиялық қалашықтың тұжырымдамасын таныстырды, оның ұзақ мерзімді жоба ретіндегі артықшылықтары, инвесторлар үшін преференциялар және т.б. туралы айтты.
Өз кезегінде Түркі инвестициялық қорының басшысы сауда-экономикалық, гуманитарлық ынтымақтастықты нығайту және Түркі мемлекеттері ұйымына мүше мемлекеттердің бірлескен жобаларын іске асыру үшін құрылған қордың қызметі туралы да айтты.
«Әрине, бұл біз үшін қызықты инвестициялық жоба және егжей-тегжейлі зерттеуді қажет етеді. Басқа түркі мемлекеттерінің, мысалы, Өзбекстан мен Әзірбайжанның қызығушылығы мен оған қатысуы түркі қоғамдастығының адами капиталын дамытуға біздің бірлескен үлесіміздің құндылығын арттырар еді деп ойлаймын», – деді Бағдад Әміреев.
Қазақстанның Катар Мемлекетіндегі Төтенше және Өкілетті Елшісі Арман Исағалиев өз тарапынан қазақстандық Елшілік Катардың ірі кәсіпкерлері мен инвесторларын Қонаевтағы академиялық қалашық құрылысына тарту бойынша жан-жақты көмек көрсететінін атап өтті.
Кездесуге қатысушылар осы жобаны іске асыру шеңберінде министрлік, әкімдік және шетелдік инвесторлар арасындағы үшжақты меморандумдарға қол қою перспективаларын талқылады.