ОТАНДЫҚ КИНЕМАТОГРАФТЫҢ КЕМЕҢГЕРІ САТЫБАЛДЫ НАРЫМБЕТОВ ӨМІРДЕН ОЗДЫ
Бірнеше ай бұрын Сәкен ағаны 75 жасқа толған мерейтойымен құттықтаған едік. Сол күні көп жылы сөздер айтылып, режиссердің ерен еңбегі атап өтіліп, тілектер жаудырылған еді. Ал бүгін айтарға сөз, өзгертуге не қайтарып алуға қауқар жоқ…
Қазақстан жазушылары одағының мүшесі Үміт Тәжкен былай деген: «Жүріп өткен жолына қарап Сатыбалды өзіне өнерге адал қызмет еттім деп, өзіне адал болдым деп айта алады, және ол өз туындылары мен фильмдерінде тек жүрегінен өткізген оқиғаларды бейнелеп, көрсетеді».
Өмір сүру қиын, алайда нағыз суретшінің өмірі екі есе қиын, өйткені, оның иығында көрермендерінің, оқырмандарының, халқының алдындағы жауапкершілік деген ауыр жүк бар. “Созақтан шыққан Гамлет”, «Жизнеописания юного аккордеониста», «Молитвы Лейлы», «Мустафа Шоқай», «Аманат» фильмдерінің авторы да нағыз суретшілер қатарында еді, сол себептен көп ізденіп, сенімсіздік танытып, тіпті кинодан кетпек болып, кейде “бұл мамандықты неге таңдадым екен, диванда жатып, асықпай баспа машинасының пернелерін басып қана отырмадым ба” деп ойға бататын. Бірақ, осы сәтте “Не горюй!” фильмінің бір бөлігі еске түседі, сол фильмде кейіпкер “Өзім келдім” деген трактирден шығады. Мені ешкім шақырған жоқ, өзім келдім.
Әке жолын қуып ұлдары да осы мамандықты таңдаған. Өмір соншалықты қиын емес, бірақ қызығы мол болып шықты – өнердің күшімен үлкен кинодинастия құрылды – үлкен ұлы Асқар-Мұхит режиссерлікті таңдаса, Ескендір еліміздегі алдыңғы қатарлы операторлардың біріне айналды. Бүгінде немерелері өсіп келеді, олардың қандай жолды таңдайтыны әзірге беймәлім. “Болашақ үшін өткенді есте сақтау керек”, – дегег Сатыбалды Нарымбетовтың сөздерінің қазіргі кезде барлығымыз үшін маңызы зор.
Ұлттық киноны қолдау мемлекеттік орталығының ұжымы Сатыбалды Жәлелұлының отбасына, достарына, әріптестері мен оқушыларына қайғырып көңіл айтады.
Киноорталықтың қызметіне белсенді араласқан Сәкен ағаны біздің жұмысымызға деген назары мен қолдауы үшін аса бағалаймыз. Біз ұлы суретшіден, досымыз әрі ұстазымыздан айырылдық.
Иманды болсын.