ҚР Өнеркәсіп және құрылыс вице-министрі Жәннат Дүбірова Павлодар облысында болған жұмыс сапары барысында өнеркәсіптік кәсіпорындардың, құрылыс ұйымдарының өкілдерімен және өңірдің басқа да тұрғындарымен кездесу өткізді.

Жиында цифрландырудың экономика, білім және әлеуметтік салаға ықпалына қатысты өзекті мәселелер талқыланды. Кездесуге қатысушылар еліміздегі цифрлық технологияларды дамытуға қатысты көкейлерінде жүрген сауалдарын қойып, толғандырған мәселелерін айтуға мүмкіндік алды.

Цифрлық технологияларды дамытуды ынталандыру бойынша қабылданып жатқан шараларға, сондай-ақ ақпараттық технологиялар саласында жас мамандарға ашылатын мүмкіндіктерге ерекше назар аударылды.

Павлодар тұрғыны Қ.Батаев вице-министрге iKomek109 сияқты жобалар, олардың тиімділігі мен даму перспективалары туралы сауал қойды.  Бұл сауалға вице-министр және басқа да сарапшылар өзекті мәселелерді шешуге және азаматтардың өмір сүру сапасын жақсартуға бағытталған жаңа жобаларды әзірлеу жөніндегі жоспарларымен бөлісіп жауап берді.

Вице-министр мен оның әріптестері өңірдегі төтенше жағдайларға көмек көрсету және әрекет ету жүйесін жақсартуға көмектесетін iKomek109-ға ұқсас жобаларды әзірлеуді жоспарлап отырғаны айтылды.

Вице-министр Жәннат Дүбірова кездесуге қатысушылардың барлығына белсенді қатысқандары және сындарлы диалог үшін алғысын білдірді.  Ол қоғам алдында тұрған ағымдағы және болашақтағы міндеттерді шешуде үкімет пен азаматтардың өзара іс-қимылының маңыздылығын атап өтті.

ҚР Өнеркәсіп және құрылыс  министрлігінің баспасөз қызметі