ҒЫЛЫМ ЖӘНЕ ЖОҒАРЫ БІЛІМ МИНИСТРЛІГІНДЕ ПЕДАГОГИКАЛЫҚ ӘЛЕУЕТТІ КҮШЕЙТУ МӘСЕЛЕСІ ТАЛҚЫЛАНДЫ

ҒЫЛЫМ ЖӘНЕ ЖОҒАРЫ БІЛІМ МИНИСТРЛІГІНДЕ ПЕДАГОГИКАЛЫҚ ӘЛЕУЕТТІ КҮШЕЙТУ МӘСЕЛЕСІ ТАЛҚЫЛАНДЫ

Ғылым және жоғары білім министрлігінде Hame University of Applied Sciences фин университеті өкілдерімен педагогикалық әлеуетті күшейту мәселелері бойынша кездесу өтті. Басқосу «Орта білім беруді жаңғырту» жобасы аясында ұйымдастырылды.
Кездесуге ҚР Ғылым және жоғары білім вице-министрі Қуаныш Ерғалиев, Жоғары және жоғары оқу орнынан кейінгі білім комитеті төрағасының м.а. Бану Нарбекова, Финляндияның Қазақстандағы елшісі С. Мякеляйнен-Буханист, Дүниежүзілік банк тарапынан «Орта білім беруді жаңғырту» жобасының жетекшісі А. Вауда, фин университеті мен Назарбаев Университетінің өкілдері қатысты.
Тараптар жоғары білікті педагог кадрларды даярлау үшін болашақ мұғалімдерге білім беру жүйесін жақсарту және олардың оқытуға дайындығын жақсарту мәселелерін талқылады.
Фин тарапы іс-шараның нәтижелерін таныстырды, оған сәйкес педагогикалық бағдарламаларды іске асыратын 17 өңірлік ЖОО-ның әзірлеушілері педагогикалық білім берудің жаңа моделі бойынша білім беру бағдарламаларын әзірлеуге оқытылды. Тиісінше, педагогикалық бағыттағы 30 білім беру бағдарламасы әзірленді, олар кейіннен жоғары және жоғары оқу орнынан кейінгі білім беру бағдарламаларының тізіліміне енгізілетін болады.
Кездесу қорытындысы бойынша Министрлік аталған іс-шараның нәтижелерін педагогикалық бағыттағы барлық жоғары оқу орындары арасында масштабтауға дайын екендігін айтты, бұл өз кезегінде болашақ педагогтердің сапалы дайындығына әсер етеді.