АҚШ МСАК жөніндегі Астана декларациясына жоғары баға берді
Қазақстан Республикасы Десаулық сақтау министрінің міндетін атқарушы мен АҚШ Министрі онкология, дербестендірілген медицина және жасанды интект мәселелерін талқылады.
АҚШ-тың Вашингтон қаласына жұмыс сапары шеңберінде ҚР Денсаулық сақтау министрінің міндетін атқарушы Елжан Біртанов АҚШ Денсаулық сақтау және әлеуметтік қызметтер департаментінің хатшысы (министр) Алекс Азармен кездесу өткізді. Бұдан басқа, кездесуде сондай-ақ хатшының денсаулық сақтау мәселелері жөніндегі көмекшісі (вице-министр) Адмирал Брэт Гирор қатысты. Адмирал Брэт Гирордың медициналық-санитариялық алғашқы көмек (МСАК) жөніндегі жаһандық конференцияға қатысқанын, бірқатар денсаулық сақтау объектілерін аралағанын атап өту қажет.
Кездесу барысында денсаулық сақтау саласындағы екіжақты ынтымақтастықтың жай-күйі және перспективалары туралы мәселе қозғалды. Атап айтқанда, Елжан Биртанов Американдық тарапқа АҚШ-тың МСАК жөніндегі Астана декларациясын ілгерілету жөніндегі достар тобына кіргені үшін ризашылығын білдірді.
Бұдан басқа, осы жылғы қыркүйек айындағы БҰҰ Бас Ассамблеясында ВОУЗ жөніндегі жоғары деңгейдегі кеңес кезінде тараптар МСАК жөніндегі «Қазақстан және АҚШ» параллель сессиясын ұйымдастыру мәселесін талқылады.
Сондай-ақ Ауруларды бақылау және профилактикасы орталығы (CDC) мен Азық-түлік өнімдері мен дәрі-дәрмектердің қауіпсіздігін қамтамасыз ету орталығының (FDA) жұмысы мәселелері көтерілді. Осы бағытта Денсаулық сақтау министрінің міндетін атқарушы Елжан Біртанов өзінің әріптесін біздің елімізде жүргізіліп жатқан реформалар туралы, атап айтқанда жаңа Тауарлар мен қызметтердің сапасы мен қауіпсіздігін бақылау комитетін құру жоспарлары туралы ақпараттандырды. Жаңа құрылым түрлі тауарлардың, оның ішінде дәрілердің сапасын және олардың бөлшек сауда бағаларын бақылайтын, сондай-ақ халыққа көрсетілетін медициналық қызметтердің сапасына бақылау жүргізетін болады.
Өз кезегінде, АҚШ Денсаулық сақтау басшысы азық-түлік өнімдері мен дәрі-дәрмектердің қауіпсіздігін қамтамасыз ету, балалар арасындағы онкология бойынша ғылыми зерттеулерді жүргізу, Дербестендірілген медицина жөніндегі ұлттық бағдарламаны орындау бойынша жұмыс тәжірибесімен бөлісті, сондай-ақ осы мәселелер бойынша тәжірибе алмасу мүмкіндігі туралы баяндады.
Кездесу тақырыптарының бірі Алматы қаласындағы орталық референс-зертхананың жұмысы туралы мәселе болды. Атап айтқанда, Министрдің міндетін атқарушы өзінің әріптесіне осы бағытта жүргізіліп жатқан жұмысы, білім және ғылым, әділет министрліктері жұмылдырылған зерхананың құрылымы туралы баяндады. Өз кезегінде, америкалық тарап нақты ғылыми зерттеулер мен әзірлемелер жүргізуді ұсынды.
Кездесу кезінде Хатшының денсаулық сақтау мәселелері жөніндегі көмекшісі (вице-министр) Адмирал Брэт Гирордың Астана қаласындағы (10-шы емхана) денсаулық сақтау объектілерінің денсаулық сақтауды қорғау және МСАК жемісті жұмысын іске асыру тәсілдері бойынша жұмысын мысалға келтіргенін атап өту қажет. Ол осы үлгіні өзінің әріптестеріне әрдайым мысалға келтіретінін атап өтті.
Анықтама: Алекс Азар 1988 жылы Дартмут колледжінде басқару және экономика бойынша өнер бакалавры дәрежесін алған, Йель құқық мектебін аяқтаған.
2005-2007 жылдары Джордж Буштың әкімшілігінде Денсаулық сақтау және әлеуметтік қызметтер министрінің орынбасары болып қызмет атқарған.
2017 жылғы 13 қарашада президент Трамп өзінің Твиттерінде Алекс Азарды АҚШ Денсаулық сақтау және әлеуметтік қызметтер министрі лауазымына ұсынатынын хабарлаған. 2018 жылғы 24 қаңтарда Азардың кандидатурасын Сенат 43-ке қарсы 54 дауыспен бекіткен, 29 қаңтарда ол ант қабылдаған және ресми түрде лауазымына кіріскен.