ҚАЗАҚСТАН РЕСПУБЛИКАСЫ
МӘДЕНИЕТ ЖӘНЕ СПОРТ МИНИСТРЛІГІ
«ҚАЗАҚКОНЦЕРТ»МЕМЛЕКЕТТІК КОНЦЕРТТІК ҰЙЫМЫ» РМҚК
—————————————————————————————————-
ІІ Дүниежүзілік «Астана» театр фестивалінің аясында «THEATER 11» Германия труппасының «Шығар жол жоқ» және
Ғ.Мүсірепов атындағы балалар мен жасөспірімдер театры «Қара шекпен» қойылымының
АНОНС
25 маусым күні сағат 15:00-де Қ.Қуанышбаев атындағы Мемлекеттік академиялық қазақ музыкалық драма театрында Германия труппасының «Шығар жол жоқ» қойылымы өтеді.
«THEATER 11» тәуелсіз интернационалдық театры 2009 жылы Германияның Бремен қаласында «Студия 11» атты жастар театрының құрылуымен басталған. Театрдың көркемдік жетекшісі – мюзикл және театр актрисасы, режиссер Кира Петрова. «THEATER 11» труппасында 50-ден аса жас және кәсіби актерлар бар. 9 жыл аралығында 25 шақты атақты қойылымдарды орыс және неміс тілдерінде қойған. Театр – Ганноверде өткен «Молодые таланты», Белоруссияда болған «Параллельные миры, т.б. театр фестивальдерінің лауреаты. «No Exit» («Шығар жол жоқ») пьесасы Беларуссия фестивалінде «Ең үздік пьеса» және «Ең үздік әйел рөлі» атты номинациясын алған.
Спектакль желісі бейтаныс адам бөлмеге 3 адамды, Эстель атты байды, почта қызметкері Иннес және журналист Гарсенді, әкеліп, қамап, шығуға ешқандай үміт қалдырмайды. «Бұл 3 адамның ары қарайғы өмірі не болар екен?», «Бір бөлменің ішінде қандай оқиғалар болады?», «3 адам бір бөлмеде бір-біріне қандай қастандық жасайды?», – деген сұрақтарға жауап береді.
Қойылым актерлері: Катарина Бутаков / Александра Шевелева, Юлия Ивинская / Салима Бакиева, Мачей Тираковский, Александр Зонненберг / Михаил Александровский
Сонымен қатар Ғ.Мүсірепов атындағы балалар мен жасөспірімдер театры «Қара шекпен» қойылымының 2018 жылдың 25 маусым күні сағат 19:00-де Бейбітшілік және келісім сарайында өтетінін хабарлаймыз.
Ғ.Мүсірепов атындағы балалар мен жасөспірімдер театры – репертуарында қазақ және әлем әдебиеті авторларының спектакльдері шоғырланған республикамыздың жетекші ұжымдарының бірі.
Қ.Төлеуішовтің аудармасымен, А.Маемировтің режиссерлығымен сахналанған драматургы Г.Хугаевтың «Қара шекпен» әфсанасы – Түркия мемлекетінің Конья қаласында өткен «Мың тыныс – бір дауыс» атты Халықаралық және Республикалық театрлар фестивалінің қатысушысы, бүгінде театр репертуарындағы шоқтығы биік қойылымдарының бірі.
«Жер бетін мекендейтін он сегіз мың ғаламның ішіндегі ең құдіреттісі де, ең ақылдысы да, ең әдемісі де – Адам…» – деп үн қататын Тұзар (ит) – әфсананың басты кейіпкері.
«Қара шекпен» спектаклі – адамдар арасында жоғалып бара жатқан адалдық, шынайылық, адамгершілік, достық сынды қасиеттерді қадірлеуге үндейтінімен құнды.
«Қазақконцерт» МКҰ» РМҚК
Маркетинг және қоғаммен байланыс бөлімі
Астана қ, Мәңгілік ел 10/1.
тел./факс: +7 7172 -70-53-31