«ҚАЗАҚКОНЦЕРТ»МЕМЛЕКЕТТІК КОНЦЕРТТІК ҰЙЫМЫ»
—————————————————————————————————-
«Golem»
ІІ Дүниежүзілік «Астана» театр фестивалінің аясында
британдық «1927» театрының «Golem» қойылымының
Елордамыздың 20 жылдығына арналған ІІ Дүниежүзілік «Астана» театр фестиваліне Ұлыбритания елінің де «1927» театры Сьюзен Андрейд пен Джо Кроулидің «Голем» қойылымын ұсынады. Қойылым 22 маусым күні 19:00-де Бейбітшілік және келісім сарайында өтеді.
«1927» театрын 2005 жылы жазушы, актриса әрі режиссер Сьюзен Андрейд және аниматор, иллюстратор әрі кинорежиссер Пол Билл Бэрритт ашып, 2006 жылы актриса әрі костюмдер бойынша суретші Эсме Эпплтон мен актриса, композитор, пианист Лилиан Хенли негізін қалаған. Мұндай әр саладағы өнер адамдарының жұмыла жұмыс жасауы керемет қойылымдардың шығуына ықпал етті.
Ұлыбританиялық театр Астана тұрғындары мен қонақтарына ежелгі еврейлік фольклор үлгісіне жататын «Голем» спектаклін ұсынады. Спектакль желісі саз балшықтан әртүрлі дүниелерді жасайтын адамның технологиясына негізделген. Технология мен нарықтық экономиканың адам бақылауы шеңберінен шығуының тарихы қозғалады.
«1927» театрының режиссері Сьюзен Андрейд ұсынып отырған «Голем» спектаклі – «технологияны кім немесе не бақылауда ұстайды» деген заманауи әлемдегі жиі қойылатын сұраққа сатиралық тұрғыда қарастыратын XXI ғасырдың дистопиялық аңыз әңгімесі. Рөлдерді орындайтындар: Женевьева Данн, Натан Грегори, Филипп Хэмбли, Ровена Леннон, Фелисити Спаркс.
Қойылымға Асанәлі Әшімұлы (Қазақстан), Йонас Вайткус (Литва), Давид Асатиани (Франция), Беатрис Пикон-Валлен (Франция), Давид Папава (Ұлыбритания) сынды Еуропа мен Азияның белгілі театр сыншылары мен драматургтері қатысады.
Өтетін орны: Бейбітшілік және келісім сарайы
Уақыты мен күні: 2018 жылдың 20 маусым күні, сағат 19:00-де.
«Қазақконцерт» МКҰ» РМҚК
Маркетинг және қоғаммен байланыс бөлімі
Астана қ, Мәңгілік ел 10/1.
тел./факс: +7 7172 -70-53-31
Email: qazaqkoncert.pr@gmail.com