Бүгін ҚР ҒЖБМ жоғары білім беруді дамыту ұлттық орталығының стратегиялық сессиясы өтті, онда ҚР Ғылым және жоғары білім министрі Саясат Нұрбек сөз сөйледі.

Ведомство басшысы өз сөзінде жоғары білім беруді жақсартуға бағытталған 4 басым бағытты атап өтті.

«Біздің міндетіміз – жан-жақты және сапалы білім беруді қамтамасыз ету және келесі басымдықтар – инфрақұрылым және цифрландыру. Қазір еліміздің жоғары оқу орындарында 626 мың студент оқиды, сондықтан жоғары оқу орындарының инфрақұрылымын дамытуға және цифрландыруға ерекше көңіл бөлініп отыр. Жыл сайын жаңа ғимараттар, жатақханалар салынуда. Осы мақсатта өңірлерде шетелдік жоғары оқу орындарының филиалдары да ашылуда. Бұл жоғары білімнің сапасын арттырып қана қоймай, алдыңғы қатарлы халықаралық стандарттарды ескере отырып, қолданыстағы оқыту жүйесін өзгерту үшін қажет. Тағы бір стратегиялық маңызды міндет – Қазақстан ғалымдарының қауымдастығын кеңейту бойынша жұмыс жасау. Жас ғылыми қоғамдастық үшін мәдени компонент құру қажет, бұл үшін оларға күшті мотивация қажет. Мәселен, 2023-2025 жылдары тек ғылым мен грантты қаржыландыруға, бағдарламалық-нысаналы, тікелей гранттарға шамамен 650 млрд теңге бөлінді», – деп атап өтті Саясат Нұрбек.

Сессия қатысушылары Хосин Канридің «Х-матрица» әдіснамасымен танысып, ЖБДҰО стратегиялық басымдықтары үшін «Х-матрицаны» әзірлеп, таныстырды.

Айта кетейік, Ұлттық орталықтың миссиясы, пайымы, мақсаты мен басымдықтары жоғары оқу орындарының академиялық еркіндігін ілгерілету, зерттеу және озық тәжірибелер негізінде Қазақстанның жоғары білім сапасын арттыруға жәрдемдесу болып табылады.