2017 жылдың 20 қыркүйек күні сағат 16.00де Ә. Қастеев атындағы Мемлекеттік өнер музейінде Тимур Сүлейменовтің «Сүйіспеншілікпен және қуанышпен» атты жеке көрмесінің ашылуы өтеді. Көрме Ә. Қастеев атындағы Мемлекеттік өнер музейінің Қазақстанның белгілі өнер қайраткері – Т.Б. Сүлейменовтің денсаулығы мен шығармашылық қызметіне қолдау көрсету үшін ұйымдастырған қайырымдылық жобасы болып табылады.
Көрмеде Т. Сүлейменовтің қалың көрерменге таныс емес 50-ге жуық авторлық шығармалары қойылған. Ол туындылар ерекше өмірлік құштарлығымен, нақты байқалатын мәнерлілігімен ерекшеленеді, себебі оларда авторды біртума суретші ретінде көрсететін колористік шешімдердің көркем талғампаздығы, сурет пен композициялық құрылымның шеберлігі байқалады. Сәулетші, дизайнер, қоғам қайраткері ретінде ол үнемі әр түрлі техникада, түпнұсқалық графика (пастель, көмір, гуашь, жакле және т.б) және кескіндемемен айналысады.
Тимур Сүлейменов алпысыншы жылғылардың көрнекті тобына жатады, олардың әрқайсысы Қазақстанның ғана емес, қазіргі мәдениеттің дамуына сүбелі үлес қосты. Олар – Олжас Сүлейменов, Мұрат Әуезов, Салихитдин Айтбаев, Еркін Мергенов, Алан Медоев, Мақұм Қисаметдинов, Ғаділбек Шалахметов және басқалар. Осы тұлғалардың шығармашылығы адамға барлық уақытта да аса қажет эстетикалық, өмірлік, гуманитарлық құндылықтарды нығайтты.
Тимур Сүлейменов Ленинградтағы инженерлік-құрылыс институтын (1965), Ленин атындағы Қазақ педагогикалық, техникалық институтын (1970) тәмамдады. «Казгорстройпроект» жобалау институтының сәулетшісі, Алматы қаласы, Калинин ауданының бас сәулетшісі (1965–1968); «Алма-Атагипрогор» сәулетшілер тобы институтының жетекшісі қызметтерін атқарды. 1968-1982 жылдары − «Казгорстройпроект» институтының бас сәулетшісі. 1982-1987 жылдары Қазақстанның Көркемсурет қорының бас суретшісі, қалалық орта дизайны шеберханасының жетекшісі болды. 1987 жылдан Қазақстан дизайнерлер Одағының ұйымдастырушысы әрі жетекшісі. Абай және Достық даңғылдарын қайта құру мен өңдеу, көріктендіру жобаларына атсалысты. Алматы облысындағы «Черкасск қорғанысының батырларына» мемориалдық кешенінің авторы; мемлекеттік кешенді «ҚР Мемлекеттік стилі» дизайн-бағдарламасының бастамашысы, ұлттық валютаның дизайнын жасау, нышандарды және Республикалық ұландар киімін жобалау топтарын басқарды. «Азаттықтың таңы» ескерткішінің авторы. Қазақстанның Еңбек сіңірген өнер қайраткері, Халықаралық академияның академигі, ҚР Құрметті сәулетшісі. «Парасат» орденімен марапатталған.
Көрме жетекшісі – Камилла Ли