2017 жылдың 3 наурызында сағат 16.00-де Ә. Қастеев атындағы Қазақстан Республикасының Мемлекеттік өнер музейінде дарынды жас суретші Қабылбек Аршынның атты жеке көрмесі өтеді.
Экспозицияда кескіндемешінің 40-қа жуық туындылары ұсынылады. Қабылбек Аршынның осы туындыларында өзінің өмірге деген жеке көзқарастары қарастырылады. Соның ішінде адам болмысының мәні, өмірдегі орны, жалпы жан дүние еркіндігі, қоғамдағы өзгерістер мен бүгінгі өмірдің құнсыздануы, жалпы ақиқатқа қол жеткізудегі сан қырлы сұрақтарға жауап іздейді.
Қабылбек Аршын 1989 жылы ҚХР, Іле-қазақ облысы, Шапшал ауданында дүниеге келген. 2006 жылы ҚХР көркемөнер колледжінен, 2011 жылы Т.Жүргенов атындағы Қаз.ҰӨА-нан білім алды. Жұмақын Қайрамбаевтың шәкірті болып табылады.
Жас суретші студент кезінен бастап «Шабыт», «Жастар шығармашылығы», «Дарындарға ғасыр бас иеді», «Алматы-тәуелсіздіктің алтын бесігі» т.б. академиялық, республикалық және халықаралық «көптеген фестивальдар мен конкурстық көрмелерге қатысып, бас жүлдерімен марапатталған.