Жыл басынан бері 242 мыңнан астам қазақстандық БЖТ төлеушілер болды
Жыл басынан бері 242,1 мың қазақстандық жалпы сомасы 1 млрд 635 млн теңгеге 762,2 мың бірыңғай жиынтық төлем (бұдан әрі – БЖТ) төледі.
Төлемдердің үштен бірінен астамы (331,2 мың) елордаға, республикалық және облыстық маңызы бар қалаларға тиесілі. Бұл ретте төлемдердің жалпы санының жартысынан астамы осы қалаларда – 980 млн. теңге.
Осылайша, басқа елді мекендер тұрғындарының үлесіне 655 млн теңге сомасына 431 мың төлем келеді.
Айта кету керек, өткен жылдың қорытындысы бойынша БЖТ төлеушілердің саны 3,6 млн-ға жуық, ал төлемдер саны 4,8 млн-нан астам болды, бұл ретте елорданың, республикалық және облыстық маңызы бар қалалардың үлесіне 2,1 млн. төлем келеді, ал басқа елді мекендердің тұрғындары 2,7 млн төлем жасаған.
Естеріңізге сала кетейік, 2019 жылдың 1 қаңтарынан бастап енгізілген БЖТ бейресми жұмыспен қамтылған қазақстандықтардың қызметін салық органдарында тіркеу тәртібін жеңілдетуге бағытталған.Тиісті санаттағы азаматтардың оны пайдалануы оларға келесі мүмкіндіктер береді:
– міндетті әлеуметтік медициналық сақтандыру жүйесіне қатысуға және медициналық мекемені таңдау құқығымен медициналық қызметтерге қол жеткізу;
– жинақтаушы зейнетақы жүйесіне қатысуға және жүйеге қатысу өтіліне байланысты базалық зейнетақы төлемін алу. БЖТ төлеушілер үшін бірыңғай жинақтаушы зейнетақы қорындағы өз зейнетақы жинақтарын толықтырудан басқа, еңбек өтілінің тіркелуіне байланысты жоғары мөлшерде базалық зейнетақы алу мүмкіндігі пайда болады;
– еңбек ету қабілетінен айырылған, жұмысынан айырылған, асыраушысынан айырылған, жүктілік пен босану, бала асырап алған, бала күтімі жағдайларында әлеуметтік төлемдер алу.
Сонымен қатар, қызметті ресми тіркеу бейресми жұмыспен қамтылған азаматтарды әлеуметтік жағынан қорғап қана қоймай, жұмыспен қамтуға жәрдемдесудің мемлекеттік шараларына қол жеткізу арқылы олардың құқықтарын кеңейтеді.
Осылайша, ҚР Еңбек және халықты әлеуметтік қорғау министрлігі жұмыссыздар мен бейресми жұмыспен қамтылған азаматтар үшін келесі жұмыстарды жүргізуде:
– Жұмыспен қамтудың 2020-2021 жылдарға арналған жол картасы шеңберінде халықты жұмыспен қамту орталықтарының бағыттары бойынша жаңадан құрылатын жұмыс орындарына жұмысқа орналастыру;
– Нәтижелі жұмыспен қамтуды және жаппай кәсіпкерлікті дамытудың 2017-2021 жылдарға арналған «Еңбек» мемлекеттік бағдарламасы шеңберінде бизнесті кеңейту үшін жеңілдетілген микрокредиттер беру арқылы жұмыссыздар мен бейресми жұмыспен қамтылғандар кәсіпкерлікке тартылады.
Бұл шара БЖТ төлеушілердің жеке кәсіпкерлер санатына ауысуына да ықпал етуі мүмкін.
Бейресми жұмыспен қамтылғандар, жұмыссыздар және жалдамалы жұмыскерлер сондай-ақ жұмыспен қамтуға жәрдемдесудің белсенді шараларына, оның ішінде субсидияланатын жұмыс орындарына жұмысқа орналастыруға, қысқа мерзімді курстарда және кәсіпкерлік негіздеріне оқытуға, бизнес-идеяларға гранттар беруге, жұмыс күші артық өңірлерден жұмыс күші тапшы өңірлерге ерікті түрде қоныс аударуға қатыса алады.