«Қазақстан-Италия» инвестициялық дөңгелек үстелінде итальяндық іскер топ өкілдерімен кездесу
2024 жылдың 19 қаңтары
Елбасының Римге ресми сапары аясында итальяндық іскер топ өкілдерімен кездесу өтіп, оған 30-ға жуық халықаралық компания қатысты.
Қасым-Жомарт Тоқаев өз сөзінде итальяндық бизнестің «капитандарына» Қазақстанның инвестициялық мүмкіндіктері туралы егжей-тегжейлі айтып берді. Әлемдегі геосаяси жағдайға қарамастан, біздің еліміз аймақтағы ең ірі және қарқынды дамып келе жатқан экономикалардың бірі ретінде өз орнын сенімді түрде сақтап келеді.Президент итальяндық кәсіпкерлерге тікелей шетелдік инвестициялардың ағынын кеңейтуге бағытталған жоспарлы практикалық және заңнамалық шаралар туралы хабардар етті.
Қасым-Жомарт Тоқаевтың айтуынша, екі ел арасындағы экономикалық ынтымақтастықтың негізгі бағыттары: энергетикалық сектор, көлік-логистика саласы, Транскаспий халықаралық көлік бағытын дамыту, Қазақстандағы бірлескен инвестициялық жобаларды жүзеге асыру, ауыл шаруашылығы, биотехнология, фармацевтика, IT саласы және «Астана» халықаралық қаржы орталығы.
Президент еліміздің әлеуетті инвесторларға жан-жақты қолдау көрсетуге дайын екеніне сендірді. Сондай-ақ ол кездесуге қатысушыларды Астана халықаралық форумына қатысуға шақырды.
Іс-шара барысында Италия Республикасының Министрлер Кеңесі Төрағасының орынбасары – Сыртқы істер және халықаралық ынтымақтастық министрі Антонио Таяни, CDP тобының бас атқарушы директоры Дарио Сканнапиеко, Конфиндустрияны интернационалдандыру жөніндегі вице-президенті, CONFAPI президенті Барбара Джакомелло, Экономиканың тиісті салаларында Қазақстанмен ынтымақтастықты дамыту перспективаларына көзқарасы Кристиан Камиса, Leonardo SpA Group президенті Стефано Понтекорво, Fincantieri SpA бас директоры Пьерроберто Фолдьеро, PetrolValves бас директоры Сандро Малкори, Pietro Fiorentini бас директоры Паоло Нарди және т.б.өз пікірлерін білдірді.
Инвестициялық дөңгелек үстел соңында жоғарыда аталған бағыттар бойынша екіжақты өзара тиімді ынтымақтастық туралы бірқатар құжаттарға қол қойылды.