БАСПАСӨЗ ПАРАҒЫ
«Ұлт құндылықтары – Мәңгілік ел мақтанышы»
«4 маусым – Қазақстан Республикасының мемлекеттік рәміздер күні». Мемлекеттік рәміздер – Қазақстанның егемен ел ретіндегі болмысын көрсететін нышаны, мызғымас негізі. Қазақстан Туымен тұғырлы, Әнұранымен айбатты, Елтаңбасымен еңселі мемлекет. Осы қастерлі мерекеге орай, Астана қаласының әкімдігі, Тілдерді дамыту және архив ісі басқармасының ұйымдастыруымен «Ұлт құндылықтары – Мәңгілік ел мақтанышы»атты әдеби сазды кеш өткізіледі.
Іс шара барысында Ту, Елтаңба, Гимн туралы көрермендердің түсініктерін нығайту. Рәміздердің пайда болуы және тарихтағы маңызы жайлы түсініктерді дамыту. Қазақстан Республикасының Мемлекеттік рәміздерін жан-жакты түсіндіру арқылы адамдардың бойында патриоттық сезімді қалыптастыру, туған жеріне, еліне деген сүйіспеншілікке баулу, ұлттық нышандарына зор құрмет, шынайы сезім, ұлттық рух тұрғысында қарауға дағдыландыру.
Халық назарына концерттік бағдарламаұсынылып,қазақ эстардасының белгілі әншілері Еділ Құсайынов, Ибрагим Ескендір, Дос, ағайынды «Жүгүнүсовтар», Маржан Арапбаева, «Қорқыт» дәстүрлі саз тобы және тағы басқалар өнерін ұсынады.
Аталған іс-шараға зиялы қауым өкілдері, тіл мамандары, қазақ тілі пәнінің оқытушылары мен мамандары, жас мамандар және БАҚ өкілдері шақырылған.
Өтетін орны:«Жастар» театры (І. Есенберлин көшесі, 10).
Өтетін күні мен уақыты:4маусым, 16:00-де.
Ұйымдастыру комитеті: Айгерім Жұманғалиева 87014783087