ҮАК тең төрағалары экономикалық ынтымақтастық мәселелері бойынша сағаттарды салыстырды

Бейнеконференция форматында экономикалық ынтымақтастық жөніндегі қазақстан-француз үкіметаралық комиссиясының екі тең төрағасы – Қазақстан Республикасының Индустрия және инфрақұрылымдық даму министрі Бейбіт Атамқұлов пен Француз Республикасының Еуропа және сыртқы істер министрі Франк Риестер жанындағы сыртқы сауда және экономикалық тартымдылық жөніндегі министр-делегаттың кездесуі өтті.

Уәкілетті мемлекеттік органдар мен ұйымдар өкілдерінің қатысуымен өткен келіссөздер уран өндіру, көлік, аэроғарыш және денсаулық сақтау салаларындағы экономикалық ынтымақтастық мәселелерінің қазіргі жағдайын талқылауға жақсы мүмкіндік болды. Бұл тақырыптар ҮАК-нің соңғы отырысында және осы жылдың мамыр айында Ф.Риестердің Қазақстанға жасаған сапарында көтерілді, оның барысында 2030 жылға дейінгі экономикалық ынтымақтастықтың Жол картасына қол қойылды.

Бейнеконференция қорытындысы бойынша министрлер жобалардың тиісінше ілгерілеуін қадағалау үшін тұрақты кездесулердің маңыздылығын атап өтті.