АНОНС
14 қазан, 2016. ҚР Мәдениет және спорт министрлігі Қазақстан Республикасы Тәуелсіздігінің 25 жылдығы аясында Қазақстан Республикасының Ұлттық музейінде «Қазақтың материалдық емес мәдени мұрасы» фотокөрмесін өткізеді.
Аталған шарада қазақ халқының атадан балаға мирас болып келе жатқан бай рухани мұрасы фотосуреттер арқылы көрсетіледі. Фотокөрмеде күй, ән, жыр, айтыс т.б. төл өнерлеріміздің даму тарихымен, өнерге айрықша еңбегі сіңген тұлғалардың, насихаттаушылардың фотосуреттерімен танысуға болады. Соның ішінде ЮНЕСКО әзірлейтін Адамзаттың материалдық емес мәдени мұрасының көрнекі тізіміне енген ұлтымыздың мұраларына кеңінен шолу жасалады.
Іс-шараға Мырзатай Жолдасбеков, Амандық Көмеков, Аманжол Әлтай, Жанғали Жүзбай және т.б. елімізге белгілі мемлекет, қоғам, мәдениет қайраткерлері мен зиялы қауым өкілдері шақырылған.
Өтетін күні мен уақыты: 2016 жылғы 14 қазанда сағат 11:00
Өтетін орны: Қазақстан Республикасының Ұлттық музейі