Мәдениет қайраткерлері Мемлекет басшысының «Қазақстанның үшінші жаңғыруы: жаһандық бәсекеге қабілеттілік» жолдауын талқылады
31 қаңтар, 2017. Астана. Бүгін Қазақстан Республикасы Ұлттық академиялық кітапханада Мемлекет басшысы Н.Назарбаевтың «Қазақстанның үшінші жаңғыруы: жаһандық бәсекеге қабілеттілік» Қазақстан халқына жолдауын талқылау бойынша кездесу өтті. Шараға Қазақстан мәдениет зиялы қауымының өкілдері, ғалымдар, еліміздің бас кітапханасының қызметкерлері мен оқырмандары қатысты.
ҚР ҰАК Ақпараттық-мәдени бағдарламалар қызметінің менеджері Бекзат Смағұлов өз баяндамасында Елбасы Жолдауында қойылған міндеттер туралы, ең алғашқы кезекте, қазақстандықтардың жас буыны хабардар болуы қажет екендігін тілге тиек етті.
«Президент Нұрсұлтан Назарбаевтың Жолдауында ел азаматтарының әлеуметтік жағдайын жақсарту туралы нақты айтылады. Бұл мақсатпен зейнеткерлерге төлінетін ақылар, түрлі әлеуметтік төлемдердің деңгейін жоғарылату, әлеуметтік-экономикалық саланы жаңғырту бойынша міндеттер қойылады. Бүгінгі таңда Қазақстан әлемнің бәсекеге қабілетті мемлекеттерінің үздік 50 елдің қатарында, алайда алдымызда үздік отыздыққа ілігу мақсаты тұр. Сондықтан біздер, қазақстандықтар, білім деңгейімізді, құқықтық және қаржылық сауаттылығымызды жоғарылатып, жан-жақты дамуымыз қажет, әсіресе, бұл жастарға қарап айтылатын сөз», деп пікірімен бөлісті Б. Смағұлов.
Стратегиялық жоспарлау, ғылым және менеджмент қызметінің басшысы, саяси ғылымдардың докторы Наталья Калашникова Жолдаудың прагматикалық бағыттағы стратегиялық құжат ретіндегі маңызына тоқталып кетті.
«Ел Президенті қоғамға экономикалық дамудың жаңа моделін құру туралы нақты міндет қойып, болашағын болжай білген, қиындықтардан қашпай, оларды өткіре білген халық соңында жеңімпаз болатындығын баса айтады», деп бөлісті Н. Калашникова. Сонымен қатар оның сөзіне қарағанда, бұл Президент өзінің сарабдал саясатында біртіндеп жүзеге асырып келе жатқан байыпты да өршіл жолдау болып табылады.
«Жолдауға енген жаңа саяси, қоғамдық, маңызды терминдер құруға жоспарланған бірегей модельдің дәлелі болып табылады», – деді Наталья Павловна.
Қазақстан Республикасы Ұлттық академиялық кітапхананың жас маманы Жамиля Зайырова әріптесінің пікіріне қолдау көрсетті.
«Мен және менің жерлестерім үшін осы Жолдау аясында мыңдаған жаңа, заманауи өндірістердің ашылатындығы ерекше қуанышты жағдай. Өйткені бұл көптеген қазақстандықтар үшін жаңа жұмыс орындары ашылатындығын, жұмысқа орналасудың жаңа мүмкіндіктіре пайда болатындығын білдіреді», деп пікірмен бөлісті Ж. Зайырова.
Оның ойынша, тағы да маңызды жағдай – экономиканың агрокәсіптік өрісіне көрсетілетін қолдау. «Біз, әрбір қазақстандық, отандық өнімге қолдау көрсетуіміз қажет».
«Ең бастысы, Жолдау арман болып қоймай, Жолдау алдымызда мақсат болып орындалуы. Біз Жолдауда көрсетілген міндеттердің жүзеге асырылуына жауаптымыз», – деп аяқтады спикер.
ҚР МСМ Баспасөз қызметі