ҚР Ғылым және жоғары білім министрлігінің вице-министр К. Е. Акатов Министрліктің делегациясымен «ЭКСПО Қытай-Еуразия 2023» халықаралық білім беру форумына қатысты.

«Экспо Қытай-Еуразия 2023» Шыңжаң-Ұйғыр автономиялық ауданының халық үкіметі Қытай Халық Республикасының «Бір белдеу және бір жол» бастамасының 10 жылдығы қарсаңында, сондай-ақ 2023 жылғы мамырда Сианда өткен «Орталық Азия – Қытай» саммитінде қол жеткізілген ынтымақтастық жөніндегі консенсус пен бастамаларды іске асыру үшін ұйымдастырылды.

Вице-министр өз сөзінде екі ел арасындағы жоғары білім және ғылым саласындағы ынтымақтастықтың маңызды бағыттарын атап өтті: бірлескен білім беру бағдарламалары мен ғылыми зерттеулерді іске асыру, студенттер, профессор-оқытушылар құрамы мен ғалымдар арасында алмасу мүмкіндігін кеңейту, әл-Фараби атындағы ҚазҰУ базасында Сиань Солтүстік-Батыс политехникалық университетінің филиалын ашу, Д. Серікбаев атындағы Шығыс Қазақстан техникалық университетінің базасында Тяньцзинь кәсіби институтының қолдауымен «Лу Баня шеберханасының» жоспарланып отырған ашылуы, Huawei компаниясымен ынтымақтастық және басқа да маңызды бағыттар.

Форум аясында делегация Шыңжаң университеттерінің ғылыми-техникалық жетістіктер көрмесіне қатысты, сондай-ақ ҚХР Білім министрінің орынбасары Сун Яомен, автономиялық ауданның партия комитеті хатшысының орынбасары және автономиялық ауданның партия комитетінің Білім беру жөніндегі жұмыс комитетінің хатшысы Чжан Чунлинмен екіжақты келіссөздер өтті.