Колорадо тау-кен мектебі – инженерлік және қолданбалы ғылымдар бойынша қоғамдық ғылыми-зерттеу институты. Ол АҚШ-тағы мемлекеттік университеттер арасында өте жоғары рейтингке ие. Mines атынан меморандумға Colorado School of Mines Президенті (ректор) Паул Джонсон қол қойды.

Өзара тиімді ынтымақтастық аясында университеттер келесі бағыттар аясында ынтымақтастық туралы келісті:

– кадрлардың біліктілігін арттыруды ұйымдастыру;

– қысқа мерзімді курстарды, дәрістер мен кәсіби семинарларды ұйымдастыру;

– Атырау мұнай және газ университетінде Колорадо тау-кен мектебінің аутсорсинг бағдарламаларын ұйымдастыру;

– бірлескен білім беру бағдарламаларын құру;

– ғылыми және инновациялық жобалар бойынша бірлескен жұмысу;

– тәжірибе, білім және оқытушылармен алмасу;

– Атырауда Колорадо тау-кен мектебінің филиалын ашу.

QS халықаралық үздік университеттер рейтингі бойынша Колорадо тау-кен мектебі әлемде 503-орында. Колорадо тау-кен мектебі тау-кен инженериясы бойынша әлемде №1 және мұнай және газ инженериясы бойынша әлемде №9 орында.

Университеттің жеке Эдгар тау-кен кеніші бар. Эдгар жерасты зертханасы табиғи ресурстарды іздеу, игеру және өңдеу бойынша мамандарды даярлау үшін белсенді түрде пайдаланылады. Америкалық индустрия Колорадо тау-кен мектебінің ғылыми, зерттеу және білім беру бағдарламаларын белсенді түрде қолдайды.