Алматы облысының әкімі А. Баталов халыққа есеп беру кездесуіндегі баяндамасы
Өткен жыл – Ел Тәуелсіздігіне 25 жыл толуымен ерекшеленді. Бұл айтулы межеге республикамыздың басқа өңірлерімен қатар, Алматы облысы да жақсы нәтижелермен жетті.
Осы кезеңде облыс халқы 300 мыңнан астам адамға көбейіп, екі миллионға жақындады.
Өнеркәсіп өндірісінің, ауыл шаруашылығының, шағын және орта бизнестің көлемі еселеніп артты.
8 млн. шаршы метрден астам тұрғын үй, 700-ге жуық әлеуметтік объектілер іске қосылды.
«Батыс Еуропа-Батыс Қытай», «Алматы-Талдықорған» ірі автомагистральдар, «Жетіген-Қорғас» теміржолы салынды.
Қытаймен шекарада Қазақстанда жалғыз құрғақ порты бар «Қорғас-Шығыс қақпа» арнайы экономикалық аймағы құрылды.
Бұл мықты экономикалық өсім нүктесі, келешекте 100 мың халқы бар жаңа қала пайда болады.
Осындай ірі жобаларды жүзеге асыру, экономикада тұрақты өсімді сақтау және халықтың әл-ауқатын арттыру «Нұрлы жол» бағдарламасы және «100 нақты қадам» Ұлт жоспарының арқасында мүмкін болды.
Елбасы «аграрлық сектор экономиканың жаңа драйверіне айналуы керек» деген міндет қойды.
Біздің облыс ең ірі аграрлық өңірлердің бірі, республикадағы ауыл шаруашылығы өніміндегі үлесіміз 16% асады.
1 млн. тоннадан астам дәнді дақылдар, 275 мың тонна май дақылдары, 1 млн. 662 мың тонна картоп пен көкөністер жиналды.
Екі жылда қант қызылшасының егістігі 6,5 мың гектарға жеткізілді (2014ж. – 1,2 мың га).
Шаруалардың қызығушылығын арттыру үшін техникамен көмек көрсетудеміз, 10 сервистік дайындау орталықтары құрылды, биыл Алакөл, Ақсу, Сарқан аудандары мен Қапшағай қаласында тағы 4 орталық құрылады.
Жоғары сапалы тұқыммен де қамтамасыз етеміз, қызылшаны сатып алу бағасын тоннасына 13 мыңнан 17 мың теңгеге дейін көтердік.
Нәтижесінде, қызылша өсірумен айналысатын шаруа қожалықтарының саны 470-ке дейін көбейді, маусымда 11 мыңнан астам ауыл тұрғындары жұмыс жасады.
241 мың тонна өнім алып, 25 мың тонна қант өндірдік.
Бұл жерде әр гектардан 524 центнерден, кейбір шаруашылықтар 700 центнерге дейін ең жоғарғы түсімділік көрсеткен Ескелді ауданының қызылша өсіруші шаруаларын ерекше атап өткім келеді.
Биылғы жылы қант қызылшасының егістік алқабын 9 мың гектарға дейін ұлғайтып, 300 мың тоннадан астам өнім жинап, 30 мың тонна қант өндіруді жоспарлап отырмыз.
Өткен жылғы қызылша қабылдаудағы қиындықтарды болдырмау үшін екі жинау алаңдары салынады.
Біреуі – Сарқан ауданының Қойлық ауылында, ол жерден зауыт қызылшаны өзі тасымалдайтындықтан шаруалар көлік шығындарын көтермейді.
Екіншісі – Ақсу қант зауытының жанында, бұл зауытты жаңа егін жинауға дейін іске қосуымыз қажет, онсыз қантты жоспарланған көлемде өндіре алмаймыз (30 мың тонна).
Биылғы жылдың өзінде облыс халқының қажеттілігін (36 мың тонна) өз қантымызбен 84%-ке қамтамасыз етіп, импортты төмендетуге мүмкіндік туып отыр.
Жүгері егістігі үш жылда 9 мың гектарға артып, биылғы жылы 78 мыңнан астам алаңға себіліп (2014ж. – 69 мың га), 507 мың тонна астық жиналады.
Кезінде екі астық қырманы салынды, ол шаруа қожалықтарының жүгеріні кептіру және сақтау мәселелерін шешті, ағымдағы жылы тағы екеуін салуды жоспарлап отырмыз.
Екінші крахмал-сірне зауытын жаңғырту жүргізіледі, ол Қарасай ауданында «АзияАгроФуд», бұл жүгеріні өңдеу деңгейін 45-тен 60%-ке дейін арттыруға мүмкіндік береді.
Облыстың ауыл шаруашылығы саласының басым бағыттарының бірі бақ шаруашылығы болып табылады, бақ алаңдары 20,7 мың га жетті, оның ішінде апорт – 2 мың га.
Басымдық екінші жылдан өнім бере бастайтын заманауи технологиялармен жабдықталған үдемелі бақтар отырғызуға бағытталған.
Панфилов ауданында 1 мың 110 гектар «Жаркент Фрукт», Еңбекшіқазақ ауданында 250 га «AlmaGreenFields» және 78 га «Apple World» ірі инвесторлар тартылды.
Егер бұрын жылына 40-50 мың тонна алма жинасақ, 2018 жылдан бастап жыл сайынғы түсім 100 мың тоннаға дейін жетеді.