Түркістан қаласынан субсидияланатын рейстер туралы
“Қазақстан Республикасында ішкі туризмді дамыту, сондай-ақ ұшу географиясын кеңейту және Түркістан қаласы әуежайының көліктік қолжетімділігін қамтамасыз ету мақсатында Ақтау, Атырау, Ақтөбе, Орал, Қостанай, Қарағанды, Көкшетау, Петропавл, Павлодар, Семей, Талдықорған қалалары бағыттарына субсидияланатын авиамаршруттарға конкурс өткізілді”, – деп Қазақстан Республикасы Индустрия және инфрақұрылымдық даму министрлігі хабарлайды
Конкурс қорытындысы бойынша тұрақты рейстерді “SCAT” және “Qazaq Air” авиакомпаниялары “CRJ2”, “B-737”, “Q400” әуе кемелерімен орындайтын болады. Алғашқы рейстердің басталуы 2021 жылдың 15 шілдесіне жоспарланған. Аталған бағыттар бойынша билеттердің құны 16-дан 25 мың теңгеге дейін болады.