Алматы облысында ШОБ саласында 270 мыңға жуық адам жұмыспен қамтылған

Алматы облысында ШОБ саласында 270 мыңға жуық адам жұмыспен қамтылған

Бүгінде Алматы облысында 128 мыңнан астам ШОБ субъектісі жұмыс істейді, онда 269 мың адам жұмыспен қамтылған. Бұл туралы бүгін ҚР Президенті жанындағы Орталық коммуникациялар қызметінде өткен брифингте Алматы облысының әкімі Амандық Баталов мәлім етті, деп хабарлайды Алматы облысы әкімінің баспасөз қызметі.

Облыс әкімі Амандық Баталовтың айтуынша, 9 айда бюджетке 144 млрд теңге түсті, бұл өткен жылдың сәйкес кезеңімен салыстырғанда 1,8 есеге дерлік артық. Қолданыстағы бағдарламалар аясында 3 мыңнан астам кәсіпкер 26 млрд теңгеге қолдау алды. «Жыл соңына дейін ШОБ ұсынатын өнімдер мен қызметтердің көлемі 2 трлн. теңгені құрады, ал олардың ЖӨӨ-дегі үлесі өткен жылғы 32,4%-дан 34,3%-ға дейін өседі. Осылайша, біз Мемлекет басшысының 2025 жылға қарай 35 пайызға жеткізу тапсырмасын келесі жылдың өзінде-ақ орындаймыз», – деді Алматы облысының әкімі А.Баталов.