Цой А,В, ҚР Денсаулық сақтау министрі Шығыс Қазақстан облысына қызмет сапарымен келді
Өскемен қ. 02.02.2020 ж.
Қазақстан Республикасының Денсаулық сақтау министрі Шығыс Қазақстан облысындағы медициналық нысандарды, аймақтағы денсаулық сақтау жүйесінің коронавирус инфекциясының жаңа толқынына дайындығын тексерді. Атап айтқанда, министр өңірдің тұмауға қарсы вакцина, дәрілік препарат, медициналық бұйым және мобильді бригадамен қамтамасыз етілуін қарап шықты.
Ведомство басшысы Өскемендегі 150 төсек-орынға арналған «№4 қалалық ауруханасы» ШЖҚ КМК аралады. Мұнда тыныс алу органдарының патологиясы бар науқастарға мамандандырылған және жоғары мамандандырылған медициналық көмек көрсетіледі.
Пульмонологиялық бөлімше барлық емдеу-диагностикалық инфрақұрылымы бар жеке тұрған ғимаратқа көшірілген. Эпидемиологиялық жағдайды ескере отырып, стационар толық жабдықталған және маусымдық асқыну кезінде ЖРВИ мен тұмауға шалдыққандарды, соның ішінде COVID-19 емдеуге жатқызу үшін пайдаланылуы мүмкін.
Стационардың диагностикалық блогы жылжымалы рентген және компьютерлік томография аппараттарымен жабдықталған. № 4 қалалық ауруханадағы зертханалық қызметтің ерекшелігі – ПТР зертханасы бар. Барлық палата орталықтандырылған оттегімен жабдықталған.Жағдайы ауыр науқастар үшін ӨЖЖ, монитор және басқа да емдеу-диагностикалық аппараттарымен жабдықталған реанимация бөлімшесінде 15 төсек қарастырылған.
Сонымен қатар,Алексей Цой «Өскемен қаласының № 2 емханасы» ШЖҚ КМК да болды. Медициналық ұйым бір ауысымда 667 науқасқа есептелген, мұнда 95 дәрігер мен 233 орта медицина қызметкері жұмыс істейді. Емхана құрамында 28 төсек-орын бар терапевтік бөлімше, 6 төсектіктікхирургия және 22 төсектік терапевтікбөлімшебар. Жыл басынан бері мұнда 3 мыңнан астам науқас емделді.
Министр тексерген тағы бір нысан –«Шығыс Қазақстан облыстық ауруханасы» ШЖҚ КМК диагностикалық орталығы, онда ересектерге стационарлық, стационарды алмастыратын, консультациялық-диагностикалық және телемедициналық көмек түрінде мамандандырылған және жоғары технологиялық медициналық көмек көрсетіледі.
Аурухана қызметінің негізгі бағыты-қан айналымы жүйесі ауруларын емдеу. Медициналық ұйымда 16 түрлі жоғары технологиялық операция, оның ішінде жүрек, тамыр, буын және т. б. арналған заманауи жабдықтармен жабдықталған.
Сондай-ақ, А.Цой Шығыс Қазақстан облысындағы Ұлттық сараптама орталығына барып, кәсіпорынның қызметімен танысты.
Шығыс Қазақстан облысында жалпы 1378 527 адам тұрады, стационарлық үлгідегі аурухана мен емхана саны 31, оның ішінде 27 мемлекеттік және 4 жеке меншік, 373мобильді бригада бар. 1 қыркүйектегі жағдай бойынша аймақта 8213 адам КВИ ауырды,індеттен 38 науқас қайтыс болды. Өңірдегі ӨЖЖ аппараттарының саны 241, оттегі концентраторы 1056 дана.
ҚР Денсаулық сақтау
министрлігінің Медиа Орталығы