Олимпиадаға қатысқан ауыр атлеттердің киімдері Өскемен фабрикасында тігілді
“Альприма” Өскемен тігін кәсіпорны Токиодағы Олимпиада ойындарына қатысып жатқан Қазақстан құрамасының ауыр атлеттері үшін спорттық киімдер дайындады,» -деп хабарлайды ҚР ІІМ баспасөз қызметі. .
Отандық компания жаттығу және жарыс процестерінің барлық талаптарына сай келетін заманауи тігін жабдықтары мен сапалы маталарды қолдана отырып, жарысқа және салтанатты шараға арналған киім шығарады.
Тігін кәсіпорны кез-келген спорт түрлерінің (командалар, клубтар, мектептер) кәсіби спортшылары үшін жабдықтардың толық жиынтығын (ойын/жаттығу және салтанатты форма) әзірлей алады.
Киімді брендтеу үшін кәсіби өндірістік жабдықтарды қолданып, қазіргі заманға сай басып шығару технологиялары қолданылады.
Кәсіпорынның тапсырыс берушілері – ШҚО Жеңіл атлетика федерациясы, “Алтай” волейбол клубы, “Торпедо” хоккей клубы, теннис орталығы және басқалары.
Компания “Қазақстанның үздік тауарлары” байқауында жеңімпаз болды. Сондай-ақ кәсіпорын өндірілетін өнімде жергілікті мазмұн жоғары екендігін растайтын СТ КЗ сертификатын алды.