2017 жылы 14 шілдеде Алматы қаласында Қазақстан Республикасы инвестициялар және даму министрлігі, Қазақстан Ұлттық жаратылыстану ғылымдары академиясы, «Атамекен» Қазақстан Республикасының Ұлттық кәсіпкерлер палатасы, Қазақстан машина жасаушыларының Одағы, Қазақстан Республикасының минералды шикізатты кешенді ұқсату жөніндегі Ұлттық орталығы ««Қазақстанның машина жасау саласын шикізатпен қамтамасыз ету» тақырыбында дөңгелек үстел өткізді.
Дөңгелек үстел Мемлекет басшысы Н.Ә.Назарбаевтың Қазақстан халқына жыл сайынғы Жолдауында көрсетілген Қазақстанның үшінші жаңғыруын жүзеге асыруды қамтамасыз етуге бағытталған: машина жасау саласы мен аралас салалардың проблемалары және оларды келешекте дамыту туралы, инновациялық технологияларды коммерцияландырудағы бизнес пен ғылымның консолидациясын күшейту жөнінде, Қазақстанның машина жасау саласын мемлекеттік қолдау іс-шаралары туралы болды.
Дөңгелек үстел барысында 2017 жылғы Қазақстан Республикасының әл-Фараби атындағы ғылым және техника саласындағы Мемлекеттік сыйлықты алуға ұсынылған және алдын ала таңдаудан өткен ««Болат өндірісінің бәсеке қабілеттілігін арттыруды қамтамасыз ететін, төмен сапалы (фосфоры жоғары қоңыртемірлі) және техногенді шикізаттарды өңдеуге тарту бойынша әлемдік деңгейдегі технологияларды жасау және оларды коммерцияландыру» жұмысы талқыланды, жетекшісі – Қазақстан Республикасы Парламенті сенатының депутаты, Қазақстан Ұлттық жаратылыстану ғылымдары академиясының Президенті, экономика ғылымдарының докторы Н.Ә.Әбіқаев.