1,6 млрд. теңге автокөлік саласында заңнама талаптарын бұзғандарға айыппұл салынды
Ағымдағы жылдың 5 айында салмағы және габариттік параметрлері шамадан тыс болған 2063 автокөліктің еліміздің жолдарымен жүріп өтуіне тосқауыл қойылды.
2020 жылдың 5 айының қорытындысы бойынша ҚР ИИДМ Көлік комитетінің көліктік бақылау органдары 42916 жүк автокөлік құралын (АТС) тексерді. НҚА талаптарын бұзған 6 311 АТС анықталды. Оның ішінде рұқсат беру жүйесі бойынша заңнама талаптарын бұзған 316 шетелдік АТС бар.
2063 автокөлк құралының артық жүктемемен жүруіне жол бермеді және 1,3 млрд. теңгеалым өндіріп алынды.
290 млн. теңге көлемінде айыппұл өндірілді.
2020 жылдың 5 айында мемлекет кірісіне барлығы 1,6 млрд. теңгеден астам алымдар мен айыппұлдар өндіріп алынды.
49 шаруашылық субъектілері тексеріліп, 34 бұзушылық анықталды. Бұзушылықтарды жою туралы 30 ұйғарым берілді. Сондай-ақ жүргізушілердің еңбек және демалыс режимін бұзғаны үшін 2609 әкімшілік материал ресімделді. Өндіріп алынған айыппұл сомасы шамамен 49,0 млн.теңге. Бұл жалпы тасымалдау қауіпсіздігіне оң әсер етті (жолаушыларды, жүктерді және қауіпті жүктерді тасымалдау).
Биылғы 5 айда су көлігінде 66 әкімшілік құқық бұзушылық анықталды
ҚР ИИДМ көліктік бақылау органдары ағымдағы жылдың 5 айында еліміздің теңіз порттарына кірген теңіз кемелеріне барлығы 42 тексеру жүргізді. Оның ішінде Қазақстанның 3, Ресейдің 26, Әзербайжанның 5, Иранның 8 кемесі болды.
Анықталған бұзушылықтар жойылғанға дейін Иран туын көтеріп тұрған 1 кемеге порттан шығуға тыйым салынды.
Кемелерді тексеру барысында бұзушылықтарды жою туралы 1 ұйғарым берілді.
Тексеру қорытындысы бойынша 9 әкімшілік құқық бұзушылық анықталып, 137 858 теңгеге айыппұл салынды.
Сонымен қатар, биылғы 5 айда аумақтық органдар пайдаланудағы өзен кемелеріне 79 тексеру жүргізді. Олардың нәтижелері бойынша 25 ұйғарым берілді.Кеме реестрінде барлығы 759 өзен кемесі тіркелген.
Сондай-ақ, осы кезеңде өзен флотының командалық құрамының 45 тұлғасына диплом беріліп, 14 тұлғасы аттестатталғанын атап өту қажет.
Сонымен қатар, жыл басынан бері республика бойынша 319 шағын өлшемді кеме тіркелген. Ағымдағы жылдың 5 айының қорытындысында шағын өлшемді флотта аумақтық органдар 268 кемені қарап шықты.
Жалпы, осы мерзімде су көлігі саласында 5 көлік оқиғасы тіркелді, оның ішінде 2 теңіз және 3 шағын өлшемді флотта болды.
Сондай-ақ, су көлігінде бақылауды жүзеге асыру кезінде 66 әкімшілік құқық бұзушылық анықталып, 527 542 теңге көлемінде айыппұл салынып, өндіріп алынды.