Қытай Халық Республиксының Қырғыз Республикасындағы Елшілігіне жасалған шабуылға байланысты
Қазақстан Республикасы Сыртқы істер министрлігінің мәлімдемесі
Террористік акт ретінде танылған Қытай Халық Республикасының Қырғыз Республикасындағы Елшілігіне жасалған шабуылды үзілді-кесілді айыптаймыз.
Аталған қылмысты егжей-тегжейлі тергеу мен кінәлілерді жауапкершілікке тарту бойынша қырғыз тарапының шешімділігін қолдап отырмыз.
Орталық Азиядағы қауіпсіздік мәселелерінің өзектілігіне қайта назар аударудамыз. Терроризмнің кез-келген нысандары мен көріністеріне жол берілмеуі тиіс деп мәлімдеп, аталған қастыққа қарсыласудағы халықаралық жігердің біріктіруіне шақырамыз.
Қазақстан Республикасы Сыртқы істер министрлігі