2016 27 мамыр күні Елбасы «Ройял Датч Шелл плс» концернінің бас атқарушы директоры Бен ван Берденмен және «Дженерал Электрик Ойл энд Газ» компаниясының бас атқарушы директоры Лорензо Симонеллимен Шетел инвесторлары кеңесі аясында кездесу өткізді
Астана қ., Тәуелсіздік сарайы
Кездесу барысында қазіргі өзара іс-қимылдың бірқатар мәселелері, сондай-ақ концерн қызметінің мейлінше перспективалы салаларындағы ынтымақтастық аясын кеңейту жолдары қарастырылды.
Атап айтқанда, Нұрсұлтан Назарбаев компанияның Қашаған кен орнын игеру жобасындағы маңызды ролін атап көрсетіп, Б.Берденді «Би Джи Групп» компаниясымен қосылу үдерісінің табысты аяқталуымен құттықтады.
Қазақстан Президенті қазіргі кезеңде «Ройял Датч Шелл плс» біздің еліміздің мұнай-газ саласындағы аса ірі инвесторлардың бірі болып отырғанына назар аударды. Сонымен қатар, Мемлекет басшысы бұл саладағы ынтымақтастықты одан әрі нығайту қажеттігіне тоқталды.
Б.Берден өзара іс-қимылдың және инвестициялық жобаларды тиімді жүзеге асырудың деңгейі жоғары екенін атап өтіп, таяудағы кезеңде жалғастыратын жұмыстарына қатысты жоспарлары жөнінде айтты.
Нұрсұлтан Назарбаев Қазақстанның «Дженерал Электрик Ойл энд Газ» компаниясының бас атқарушы директоры Лорензо Симонеллимен денсаулық сақтау ісіндегі табысты ынтымақтастығына да назар аударып, осы саладағы серіктесті кеңейтудің маңыздылығын атап өтті.
Л.Симонелли Қазақстан Президентіне қабылдауы үшін алғыс айтып, құрылып жатқан «Астана» халықаралық қаржы орталығы аясында белгіленген жоспарлардың тиімді жүзеге асырылуына тілектестігін білдірді.