2016 жылы Қазақстанда санитарлық аавиация 2,2 мыңға жуық ұшырылым жасады
Медициналық көмек көрсету мақсатында Республикалық санитарлық авиация орталығының бригадалары 2016 жылы 2192 ұшырылым жасады. 2015 жылмен салыстырғанда ұшырылым саны 43-ге немесе 2%-ға ұлғайды.
Өткен жылдың 12 айында санавиация мамандары 2700 медициналық қызмет көрсетті. Оның ішінде 2143 пациенттерді тасымалдау, 433 консультация мен 124 ота жасалды.
Сонымен бірге, 38 донорлық орган тасымалданды.
Аталған мерзім ішінде шетелдік емханалар мен медициналық ұйымдардағы ҚР азаматтары-пациенттерін Астана және Алматы қалаларына емдеу шараларын жалғастыру үшін Мәскеуден (Ресей) – 2 ұшырылым, Измир (Түркия), Пусан (Оңтүстік Корея), Цвейбрюкен (Германия), Прага (Чехия), Бішкек (Қырғызстан), Анталия (Түркия), Минск (Беларусь) қалаларынан 1 ұшырылымнан жасалып, тасымалданды.
Санитарлық авиацияның мобильдік бригадалары балалар жасындағы патология, жарақаттанушылық, қайғылы оқиғалар және уланулар, акушерлік-гинекологиялық патологиялар, қан айналымы жүйесі аурулары, жаңа туған нәрестелердің патологиялары және өзге де аурулар бойынша медициналық көмек көрсетті.
Сонымен бірге, 2016 қаңтар-желтоқсан айларында санитарлық авиацияның мобильдік бригадалары әртүрлі жарақат алған 2691 пациентке, оның ішінде жол-көлік апатынан зардап шеккен 277 адамға медициналық көмек көрсетті.
Республикалық санитарлық авиация орталығының жұмыс істеу мерзімінде аса білікті, мамандандырылған және жоғары мамандандырылған медициналық көмектің шұғыл әрі уақытылы көрсетілуі нәтижесінде, мамандарды еліміздің шалғайдағы аудандарына жеткізу, сырқат адамдарды сонымен бірге, ағзаларды әрі қарай трансплантациялау мақсатында тасымалдау арқылы мыңдаған адамның өмірі сақталды.
Санавиация мамандары өз біліктіліктерін үнемі арттырып отырады. 2016 жылы олар қайта даярлаудан өтіп, «Кардиология», «Жан сақтау және шұғыл жағдайдағы интенсивті терапия», «Шұғыл медициналық көмек фельдшерінің жұмысы», «Госпитальға дейінгі кезеңдегі шұғыл дәрігерге дейінгі көмек», «Қиын жағдайдағы жедел медициналық көмек», «Педиатриядағы шұғыл медициналық көмек», «Госпитальға дейінгі кезеңдегі жан сақтаудың өзекті мәселелері орын алған шұғыл жағдай», «Авиациялық физиология – биіктік ерекшеліктерін ескере отырып, медициналық көмек көрсетудің клиникалық ерекшеліктері. Ауруларды тасымалдау кезіндегі медициналық көрсетілімдер мен кері әсерлер», «(BLS/AED provider автоматты сыртқы дефибрилляциясы мен базалық жан сақтау курсы», «(BLS/AED provider автоматты сыртқы дефибрилляциясы мен базалық жан сақтау бойынша нұсқаушылар курсы» тақырыптары бойынша сертификацияланды.
Әуе тасымалдаушылары мен санитарлық авиацияның арнайы бригадаларын шақыру – тәулік бойы, кез келген көмекке зәру азаматқа, қозғалыс бағытының қиындығына қарамастан, жылдам әрі сапалы медициналық көмек көрсетуге мүмкіндік береді. Жоғары технологиялы, заманауи медициналық жабдықтармен қамтамасыз етілген ұшырылымдарды жоғары деңгейде ұйымдастыру пациенттерге медициналық көмекті жайлы, қауіпсіз әрі барынша жылдамете түседі.
Естеріңізге сала кетейік, санитарлық авиация – қызметі ҚР шалғайдағы өңірлеріндегі тұрғындарға уақытылы, сапалы медициналық көмек көрсетуге негізделген әлеуметтік бағыттағы денсаулық сақтау саласының ерекше ұйымы болып табылады.
ҚР Денсаулық сақтау және әлеуметтік даму министрлігінің баспасөз қызметі