III Халықаралық энергия үнемдеу форумы
2021 жылғы 28 мамырда Нұр-Сұлтан қаласында III Халықаралық энергия үнемдеу форумы өтеді. Аталмыш шара энергия үнемдеу және энергия тиімділігін арттыру саласындағы мәселелерді талқылау үшін жыл сайынғы басты диалогтық платформаны нығайту мақсатында ұйымдастырылған.
Форум бағдарламасында энергия үнемдеу және энергия тиімділігін арттыру саласындағы маңызды мәселелер бойынша бейінді мамандардың қатысуымен пленарлық отырыс және панельдік сессиялар өткізу көзделген.
Алдағы форумның күн тәртібіндегі түйінді мәселелер қатарында өнеркәсіпті энергия тиімді цифрландыру, төмен көміртекті дамудағы және қоршаған ортаны қорғаудағы энергия үнемдеудің рөлі, мемлекеттік сектордың ақпараттық хабардарлығын және энергия тиімділігін арттыру болады.
Форум жұмысына салалық министрліктердің, ведомстволардың, жергілікті атқарушы органдардың басшылары, халықаралық сарапшылар, қоғамдық бірлестіктер мен қауымдастықтардың, бизнес-құрылымдардың көшбасшылары, сондай-ақ энергия тиімді технологиялар мен жабдықтарды өндірушілер қатысады.
Форумның ұйымдастырушысы Қазақстан Республикасы Индустрия және инфрақұрылымдық даму министрлігі атынан Қазақстандағы Дүниежүзілік банктің қолдауымен «Электр энергетикасын дамыту және энергия үнемдеу институты” АҚ.
Өтетін күні мен уақыты: 2021 жылғы 28 мамырда, форумның басталу уақыты 9.30
Өтетін орны: Нұр-Сұлтан қаласы, Сауран көшесі 46, “Hilton Astana” қонақ үйі, 2 қабат “Astana Hall” Конференц-залы