СӘТБАЕВ УНИВЕРСИТЕТІНДЕ АЛҒАШҚЫ УНИВЕРСИТЕТТІК ТҰРАҚТЫ ДАМУ ОРТАЛЫҒЫНЫҢ АШЫЛУ САЛТАНАТЫ ӨТТІ
Сәтбаев Университетінде «БҰҰ-ның Тұрақты даму мақсаттары: экологиялық қауіпсіздік қағидаттары» атты халықаралық дөңгелек үстел аясында Тұрақты даму жөніндегі орталықтың – Қазақстанда университет жанынан ашылған алғашқы орталықтың салтанатты түрде ашылу рәсімі өтті. Іс-шара аясында университеттің Тұрақты даму мақсаттар жөніндегі стратегиясы қабылданды.
Іс-шараға ҚР ҒЖБМ Жоғары және жоғары оқу орнынан кейінгі білім комитетінің төрағасы Гүлзат Көбенова (онлайн), БҰҰ-ның Қазақстандағы Тұрақты үйлестірушісі Микаэла Фриберг-Стори, БҰҰДБ-ның Қазақстандағы Экология және энергетика департаментінің директоры Әсел Нұрбекова, Қытай Халық Республикасының Алматыдағы Бас консулы Чжан Вэй және басқа да ресми тұлғалар қатысты.
Біріккен Ұлттар Ұйымының Тұрақты даму мақсаттары – елдің өркендеуіне бағытталған ауқымды мақсаттар кешені болып табылады.
Президент Қасым-Жомарт Тоқаев өз Жолдауында атап өткендей, Қазақстан дамуының негізгі міндеттеріне еліміздің су қауіпсіздігі мен білім сапасын қамтамасыз ету мәселелері де кіреді. Тұрақты даму мақсаттары аясында жүргізілетін жұмыстар бірінші кезекте осы мәселелерді шешуге арналған.
Сәтбаев Университеті БҰҰ Жаһандық шартына енгізілген Қазақстандағы бірінші және әзірге жалғыз университет болып отыр. Бұл университетке тұрақты дамудың 17 түрлі мақсатын ұлттық және жаһандық деңгейде белсенді түрде жүзеге асыруға мүмкіндік береді. Олардың ішінде: кедейшілікті жою, аштықты жою, халықтың денсаулығы мен әл-ауқатын жақсарту, сапалы білім беру, гендерлік теңдікті қалыптастыру, халықты таза сумен қамтамасыз ету және санитарияны сақтау, т.б.
Университет жанынан ашылған Тұрақты даму орталығы қоғамның тұрақты дамуының практикалық шешімдерін әзірлеуге арналған және ол өзгерістердің бастамашы күшіне айналары сөзсіз. Орталық қоршаған ортаға адам септігін тигізуді азайтуға әсер ететін және халықты тұрақтылық мәселелері мен оларды шешу жолдары туралы хабардар етуді арттыруға көмегін тигізетін жаңа технологиялар мен әдістерді әзірлейтін болады.
Іс-шараға жиналған қауым осындай маңызды орталықтың ашылуын жоғары бағалады, өйткені ол экономиканы дамытып, қоғамның тұрмыс жағдайын жақсартуда шешуші рөл атқаратын болады. Университеттің «жасыл университет» құру жолындағы жұмысын қолдау мақсатында және Орталықтың ашылуына орай университеттің іскерлік серіктесі Дәурен Сәбденов Сәтбаев Университетіне екі электромобиль – атап айтқанда, алғашқы буынды екі HONDA кроссоверін сыйға тартты.
«Жолдан адаспау үшін, біз бәріміз бір бағытта жүруіміз керек. Мұнда біз әрқайсымызға қандай да бір себептермен әсер ететін мәселелерді шешу жолдарын бірлесіп әзірлейтін боламыз», – деді Орталықтың ашылу салтанатында Сәтбаев Университетінің ректоры Мейрам Бегентаев.
Бірлескен алғашқы қадам «БҰҰ-ның тұрақты даму мақсаттары: экологиялық қауіпсіздік қағидаттары» атты халықаралық дөңгелек үстел болды. Дөңгелек үстелдің мақсаты – Қазақстанның экологиялық қоғамдастығын Сәтбаев Университеті жанына біріктіру, сондай-ақ адамзат алдында тұрған экологиялық мәселелердің сенімді және тиімді шешімдерін ілгерілетуді дамыту үшін жүргізілетін зерттеулерді жеделдету және үйлестіру болып табылады.