ҚР Ғылым және жоғары білім министрі Саясат Нұрбек Тюрингияның (Германия) Экономика, ғылым және цифрлық қоғам министрі Вольфганг Тифензеемен кездесті. Іс-шара барысында тараптар жоғары білім және ғылым саласындағы екіжақты ынтымақтастықты талқылады.

Келіссөздер барысында қазақстандық және неміс университеттерінің ынтымақтастығын кеңейту мәселелері талқыланды. Тараптардың техникалық бағыттар, энергетика және жасанды интеллект саласында студенттер мен оқытушылар алмасуды дамытуға дайын екендігі айтылды.

Вольфганг Тифензее Тюрингияның Қазақстандағы делегациялық сапары кезінде жоспарланған іс-шаралар туралы айтып өтті. Атап айтқанда, Нордхаузен (Nordhausen) мен КАЗГЮУ Университеті арасындағы өзара түсіністік туралы меморандумға қол қою және Қазақстан-Германия университетімен (ҚНУ) ынтымақтастықты нығайту.

Өз кезегінде Саясат Нұрбек қонаққа «500 ғалым» бағдарламасы туралы, сондай-ақ қазақстандық тарап отандық ғалымдар мен зерттеушілердің ғылыми тағылымдамадан өтуі үшін неміс университеттері мен зерттеу орталықтарын қарастыруға дайын екенін атап өтті.

Іс-шара соңында министр неміс делегациясына сапары үшін алғыс айтып, одан әрі ынтымақтастыққа үміт білдірді.