Бір күн бойына ғылыми-зерттеу институттарының директорлары мен ЖОО профессорлары «Қазақстанның іргелі және қолданбалы ғылым нарығы субъектілерінің трендтері» тақырыбында пікірталас өткізді.

Іс-шараға ҚР Ғылым және жоғары білім министрі Саясат Нұрбек, ҚР Ұлттық Ғылым академиясының президенті Ақылбек Күрішбаев, вице-министр Дархан-Ахмед Заки қатысты. Шараны Д.Заки «Ғылымның ашық моделі» тақырыбындағы кіріспе сөзімен ашты.

Бұдан әрі іс-шара «ҚР фундаменталды және қолданбалы ғылымның стейкхолдерлері мен нарық субъектілері», «Субъектілердің күшін бағалау және олардың ҚР іргелі және қолданбалы ғылымның шешілетін міндеттеріне ұмтылыстары», «ҚР іргелі және қолданбалы ғылымның нарық субъектілерінің күші мен ұмтылысын өзгертетін трендтер», «10 жыл көкжиегінде ҚР іргелі және қолданбалы ғылымның неғұрлым пассионарлық субъектілерін бөлу» сияқты түрлі бағыттарды қамтитын «Қазақстанның 2030 жылға дейінгі ғылымының дамуын айқындайтын жаңа форматтар мен саясаттар» және «2024 жылға арналған ҒЖБМ мен ҒЗИ-нің басым шешімдері» атты екі дөңгелек үстелмен жалғасты. Модератор Олег Мецик болды.

Ведомство басшысы жиналған барлық қонақтарды қарсы алып, Қазақстанның ғылыми дамуына қосқан үлесі үшін барлығына алғысын білдіріп, одан әрі жемісті қызметке зор үміт білдірді.

«Біз сіздерді әркімнің ойы мен идеясын тыңдау үшін осында жинадық. Бүгінгі іс-шарада талқыланғандардың барлығы біздің министрліктің 2024 жылға арналған нақты жоспарына енгізілетін болады. Қазақстан Республикасы Үкіметінің алдына қойылған негізгі міндет – экономиканы екі есеге арттыру. Ал 2029 жылға қарай Ұлттық экономика көлемін екі есеге арттыру үшін ғылым мен инновацияға баса назар аудару қажет. Бұл бағыттағы жұмыс қазірдің өзінде басталып, күшейтілген режимде жалғасады. Ғылымды, инновацияны және білім беруді алдыңғы және маңызды жоспарға қойған елдердің аз бөлігі «орташа табыс тұзағын» жеңе алды. Сондықтан біздің алдымызда туындайтын барлық мәселелерді талқылау, нақты мақсаттар қою және оларға ортақ күш-жігермен қол жеткізудің үлкен жауапкершілігі тұр», – деп атап өтті С.Нұрбек.

Министрдің сөзінен кейін дөңгелек үстел қатысушылары өз жұмыстарын топтарда таныстырды, пікір және тәжірибе алмасты, сондай-ақ ғылыми институттар жүйесін, университет ғылымын жетілдіру және ҒЗИ мен жоғары оқу орындарымен бизнестің өзара іс-қимылы тұрғысынан ашық ойлар алаңында сұхбат жүргізді.