ҚР Денсаулық сақтау министрлігі штаттан тыс мамандар институтының жұмысын жаңартуда
ҚР Денсаулық сақтау министрлігі бейінді қызметтерді үйлестіруде, нормативтік-құқықтық актілерді әзірлеуде және жаңа медициналық технологияларды енгізуде үлкен рөл атқаратын штаттан тыс мамандар институтын жаңартты.
«2021 жылғы 8 сәуірдегі №196 бұйрығымен «Үйлестіру мен әдістемелік басшылықтың кейбір мәселелері туралы» Қазақстан Республикасы Денсаулық сақтау министрлігінің штаттан тыс мамандар институты қайта жаңартылды. Бас штаттан тыс мамандар институты Денсаулық сақтау жүйесінде бұрыннан бері жұмыс істеп келеді», – деді Денсаулық сақтау министрі Алексей Цой.
Штаттан тыс мамандармен кездесуде ведомство басшысы олардың бейінді қызметтердің жұмысын үйлестірудегі, аурулардың алдын алу мен ерте диагностикалауға бағытталған іс-шараларды әзірлеудегі және өткізуге қатысудағы, клиникалық хаттамаларды, медициналық көмекті ұйымдастыру стандарттарын, әдістемелік ұсынымдарды әзірлеудегі рөлін атап өтті.
Әлемдегі және Қазақстандағы эпидемиологиялық жағдай халықтың денсаулығын сақтау үшін барлық денсаулық сақтау мамандарын шоғырландыру қажеттілігін алдын-ала анықтады. Салада реформа жүргізуде үлкен жауапкершілік жүктелетін институтты жаңарту мен дамыту тиімді тетіктердің бірі болуға тиіс.
Денсаулық сақтау Вице-министрі Ажар Ғиният өз кезегінде министрліктің өзара ынтымақтастық пен бірлескен жемісті жұмысқа үлкен үміт артатынын атап өтті.
Штаттан тыс мамандар жетекшілік ететін бейінді қызметтің жұмысын үйлестіруге және мониторингілеуге, медицинаның тиісті бейінді бағытын дамыту жөніндегі стратегиялық құжаттарды, оның ішінде ұлттық жобаларды, кешенді жоспарларды, жол карталарын, бейінді қызмет жөніндегі іс-шаралар жоспарларын әзірлеуге, ҚР ДСМ медициналық көрсетілетін қызметтердің сапасы жөніндегі біріккен комиссиясының отырыстарына, бес нозология бойынша Үйлестіру кеңестерінің отырыстарына және медицинаның жетекшілік ететін бағыты бойынша медициналық көмек көрсетуді ұйымдастыру мәселелері бойынша басқа да кеңестерге қатысады деп болжануда.
«Сіз бейінді қызметтің жетістіктері бойынша да, проблемалық мәселелер бойынша да, озық халықаралық тәжірибе негізінде ҚР халқына медициналық көмектің сапасын, тиімділігін және қолжетімділігін арттыруға бағытталған оның қызметін жақсарту бойынша ұсыныстармен бірге талдамалық ақпаратты дайындауға қатысасыз деп үміттенеміз. Сізге нәтижелі жұмыс және медицинадағы жетекшілік ететін бағыттың одан әрі дамуын тілейміз!», – деп түйіндеді А.Гиният.
Институт құрамына 62 бағыт бойынша мамандар енгізілді, оның ішінде эндокринология, кардиология және кардиохирургия, акушерия және гинекология, неонатология, педиатрия, психиатрия, ересектер мен балалар аллергологиясы және иммунология, ангиохирургия, гастроэнтерология, гематология, геронтология, дерматология және венерология, нефрология, неврология, пульмонология, фтизиатрия, онкология, оториноларингология, офтальмология, стоматология, травматология, урология және т. б.
Штаттан тыс мамандар институты ҚР ДСМ «Үйлестіру мен әдістемелік басшылықтың кейбір мәселелері туралы» 2021 жылғы 8 сәуірдегі №196 бұйрығы негізінде жұмысын қайта бастады.