Алматыда «Фатима» деректі фильмінің тұсаукесері өтті
Алматыда 2016 жылдың 17 қазаны күні «Арман» кинотеатрында Ш.Айманов атындағы «Қазақфильм» АҚ түсірген «Фатима» атты толықметражды деректі фильмнің тұсаукесері өтті.
Бұл деректі фильм қазақтың үш ұлы тұлғасы — ағартушы Біләл Сүлеев, ақын Ілияс Жансүгүров және жазушы Мұхтар Әуезовтың музасы және өмірлік серігі бола білген Фатима Ғабитованың (1903-1968) күнделігі мен хаттарының негізінде жасалған. Фильмді ҚР Мәдениет және спорт министрлігінің тапсырысы бойынша Ш.Айманов атындағы «Қазақфильм» АҚ түсірген.
Фатима Ғабитова күнделікті 1916 жылдан бастап жүргізген. Күнделікте өзінің ойлары және мәдениет қайраткерлерімен жазысқан хаттары арқылы жиырмасыншы ғасырда орын алған елеулі оқиғалар: 1916 жылғы көтеріліс, төңкеріс, азаматтық соғыс, Қазақстандағы сауатсыздықты жою науқаны, қазақ әдебиетінің дамуы, шығармашыл зиялылылар қауымының қалыптасуы, 1930 жылдардағы ашаршылық, сталиндік қуғын-сүргін, 1940 жылдардағы «жылымық» көрініс тапқан.
Ш.Айманов атындағы «Қазақфильм» АҚ Президенті және фильм идеясының авторы, І.Жансүгүров атындағы қоғамдық қордың қолдауымен ұйымдастырылған тұсаукесерде: «Фатима Ғабитова туралы 2010 жылы маған оның І.Жансүгүровпен жазысқан хаттарын аударуды ұсынған кезде білдім. Жазғандарын оқи отырып оның рухы биік, жігерлі әйел екенін аңғардым. Бір қызығы, «Фатима» атты кітаптан оның жазғандарының жарыққа шығуына көмектескен менің әкем – Қазақстанның танымал ақыны Ғафу Қайырбеков екенін білдім. Фильм көрермендерді Фатима Ғабитованың тауқыметке толы тағдырымен таныстырады. Көрермендердің айтқандары орынды, еліміз тәуелсіздік алғаннан кейінгі жылдары шығып жатқан бұндай фильмдерді республикалық телеарналардан көрсету керек. Өскелең ұрпақ өз халқының тарихын тек оқулықтардан емес, сонымен қатар, осындай фильмдер арқылы да танығаны дұрыс».
Жанар Жандосова, І.Жансүгүров атындағы қордың тең жетекшісі, Фатима және Ілияс Жансүгүровтың немересі: Фатима Ғабитова – өз бойында терең білім мен мәдениетті ұштастырған әйел, осының арқасында ол Қазақстандағы сауатсыздықпен күрес жолында мол үлес қоса білді және күнделігінде, хаттарында, өлеңдерінде сол дәуірдің жылнамасын қалдырды.
Өндірісі: Ш.Айманов атындағы «Қазақфильм» АҚ
Фильм идеясының авторы: Бақыт Қайырбеков
Режиссері: Алексей Каменский
Операторы: Александр Вертяков
Композиторы: Артур Оренбургский
Қосымша ақпарат:
2016 жылдың 7 қазаны күні Мәскеуде өткен «Вместе» XVII Халықаралық телекинофорумда Ш.Айманов атындағы «Қазақфильм» АҚ түсірген «Миры Мориса Симашко» (режиссері А.Головинский) атты толықметражды деректі фильмі «Литературная газета» басылымының атынан «Орталық Азиядағы жаңа тарихи роман мектебінің негізін салушылардың бірі және майдангер өмірінің беймәлім парақтарын ашқаны және шеберлігі үшін» арнайы жүлдемен марапатталды.
Анықтама:
Морис Давыдович Симашко – Қазақстанның халық жазушысы, Қазақстан Президенті бейбітшілік пен рухани татулық сыйлығының лауреаты, І.Есенберлиннің «Көшпенділер» трилогиясын аударғаны үшін Абай атындағы Мемлекеттік сыйлықтың иегері(1986). Нобель сыйлығына әдебиет бойынша Халықаралық ПЕН клубының үміткері. Симашко 20 кітаптың авторы, оның туындылары әлемнің 40 түрлі тіліне рекордтық таралыммен тараған, ол жазған сценарийлер бойынша он шақты фильм түсірілген. Орталық Азиядағы жаңа тарихи роман мектебінің негізін салушылардың бірі.
Бақыт Ғафуұлы Қайырбеков: ақын, аудармашы, сценарист, кинорежиссер. Ш.Айманов атындағы «Қазақфильм» АҚ Президенті, Қазақстанның еңбек сіңірген қайраткері, Махамбет Өтемісұлы атындағы сыйлықтың лауреаты, «Құрмет» орденінің кавалері. Еуразиялық телевидение және радио академиясының академигі (Ресей, Мәскеу). Қазақстан Жазушылар одағының мүшесі. Қазақстан кинематографистер одағының мүшесі. Поэтикалық 10 кітаптың және 80 астам деректі фильмнің авторы.