2016 ж. 3 қарашада сағ. 19.00-де Ә. Қастеев атындағы ҚР Мемлекеттік өнер музейі «Романтические грезы» музыкалық вернисажына шақырады. Халықаралық конкурстардың лауреаттары пианист Майя Сепп және виолончельші Мұса Керімбаев Роберт Шуман мен Сергей Прокофьевтің романтикалық туындыларын орындайды.
Роберт Шуман — Германиядағы музыкалық романтизмнің ең көрнекті өкілдерінің бірі. Көбіне Г. Гейненің поэзиясына жақын Шуманның шығармашылығы 1820–40-жж. Германиядағы мещандық атмосферасының антитезасы болды. Ол жоғары адамгершілік әлеміне шақырды, сұлулық пен сезім күшін жырлады. Ыстық ықылас, асқақ батылдық, нәзік әуен – өзгергіштік, әсер мен ойдың бітпес ағындары — Шуманның музыкасына тән сипаттар. Сергей Прокофьев – XX ғасырдың едәуір ең маңызды композиторларының бірі. 11 опера, 7 балет, 7 симфония, оркестр мен жеке аспапқа арналған 8 концерттің, ораториялар мен кантата, камералық вокалдық және аспаптық музыканың, кино және театрға арналған шығармалардың авторы.
Пианист Майя Сепп Таллиннеда дүниеге келген, музыкамен 5 жасында айналыса бастады, 8 жасында алғаш рет оркестрмен Людвиг ван Бетховеннің фортепианоға арналған концертін ойнады. Мәскеу консерваториясын және Германиядағы Карлсруэ қаласының Жоғары мектеп музыкасының аспирантурасын бітірген. 1999 жылы Зальцбургте (Австрия) Моцарт атындағы Халықаралық пианисттер байқауының ең жас қатысушысы болды. Сол жылы Неапольде (Италия) “Ле Муза” 22 Халықаралық пианисттер байқауының 3 дәрежелі лауреаты атанды. 2000 жылы Юрмаладағы (Латвия) Халықаралық пианистер байқауының финалисті, сонымен қатар Австрия, Германия, Франциядағы Халықаралық конкурстардың лауреаты.
Виолончельші Мұса Керімбаев – А. Жұбанов атындағы дарынды балаларға арналған мектебі мен Алматы қаласындағы Құрманғазы атындағы консерваторияның түлегі. Әр жылдары Йо-Йо-Ма, И. Гаврыша, А. Никулеску, Д. Герингаса, Р. Хоссе сынды басқа да виолончелистердің мастер-класстарынан өтті. Орта Азия мен Қазақстандағы Халықаралық байқаулардың лауреаты, соның ішінде (1993 ж.),«Шабыт» Халықаралық фестивалінің және басқа да беделді конкурстардың жеңімпазы. Әр түрлі ұжымдардың құрамында бірнеше қалаларға гастрольдік сапармен: Чехия, Германия, Италия, Франция, Түркия, Израиль, Австрия, Македония, Ұлыбритания және басқа да елдерге шыққан.
Кештің жүргізушілері – музыкатанушы Юрий Аравин және музейдің менеджмент және сыртқы байланыс орталығының жетекшісі Клара Исабаева.
Байланыс – 394-57-18, 8-705-888-6562, 8-747-181-5126.
Билеттің бағасы– 2500 тенге. Оған: 1) 17.00- ден 18.00-ге дейн музейді аралау; 2) кофе-брейк – 18.30; 3) концерт «Романтические грезы» – 19.00.