«Қазақфильм» АҚ ҚР ІІМ Академиясымен ынтымақтастықты жоспарлап отыр
Таяуда, «Ашық есік» күні аясында «Қазақфильм» делегациясы ҚР ІІМ Алматы академиясында болды М. Есбулатова.
Оқу орнының басшылығын атақты актерлер мен трюк тобының қатысушылары және киностудия әкімшілігі жылы қабылдады.
Отырыста ұйымдар арасындағы ынтымақтастық перспективалары талқыланды. Ресми бөлім аяқталғаннан кейін делегация оқ ату полигонына аттанды, онда Академия қызметкерлері қару-жарақпен практикалық жаттығулар ұйымдастырды.
Бұл кино саласының мамандарына құқық қорғау қызметкерлерінің батылдығы мен ерліктерін тағы бір еске салды. Актерлер мен каскадерлерге қарағанда олар күн сайын қару-жарақтармен өндірістік көріністерде емес, нақты өмірде қолдануға мәжбүр.
Сонымен қатар делегация ІІМ Академиясының мұражайын аралап, мекеме тарихы мен оның түлектерінің сіңірген еңбектері туралы ақпаратқа қанық болды. Ерекше әсерге бөленген шығармашылық ұжым Ішкі істер министрлігі Академиясының қызметкерлерімен және студенттерімен кездесті. Киностудия өкілдері жиналғандардың сұрақтарына жауап берді, киностудияның қызметі және олардың таланттарын кинода жүзеге асыру мүмкіндігі туралы айтты, қазір «Қазақфильмнің» редакция алқасы сценарийлердің қызықты идеяларын қолдауға дайын екенін, сондай-ақ кастингтер туралы тиісті ақпаратты «Қазақфильм» киностудиясының ресми сайтында үнемі жарияланып тұратынын айтты.
Кездесуден кейін режиссер Рүстем Әбдрашевтың «Қазақ хандығы» тарихи фильмі көрсетіліп, делегация академия басшылығына фильмнің таспасын сыйлыққа тапсырды. Алматыдағы ҚР ІІМ Академиясының бастығы, полковник Өмірбай Смайылов мұндай кездесулердің маңыздылығына тоқталып, алдағы уақытта олардың жүйелі түрде өткізілетініне сенім білдірді.
Ш.Айманов атындағы «Қазақфильм» АҚ
баспасөз қызметі