Қазақстанда ЖІӨ энергия сыйымдылығын қалай төмендетеді
Жалпы ішкі өнімнің (ЖІӨ) энергия сыйымдылығы – ұлттық экономикалардың энергия тиімділігін бағалауда қолданылатын көрсеткіш.
Халықаралық энергетикалық агенттіктің деректеріне сәйкес, ЖІӨ-нің энергия сыйымдылығы көрсеткіші бойынша Қазақстан Еуразиялық экономикалық одақтың Беларусь, Ресей және Қырғызстан сияқты елдерінен алда келеді. Тек Армениямен салыстырғандай төмендеу, деп ҚР ИИДМ баспасөз қызметі хабарлайды.
Қазақстан Үкіметі:
2020 жылға қарай 2008 жылғы көрсеткіштен 25% ,
2030 жылға қарай 30%
2050 жылға қарай 50% төмендеуді мақсат етіп отыр.
2018 жылдың қорытындысында елдің ЖІӨ-нің энергия сыйымдылығы 33% төмендеді. Бұл нысаналы индикаторларға мерзімінен бұрын қол жеткізуге мүмкіндік берді.
Қазақстанның ЖІӨ-нің энергия сыйымдылығы энергия сыйымды кәсіпорындардың үлесі есебінен қалыптасады.
50 ірі кәсіпорынның (24 – энергетика, 12 – тау-кен металлургия кешені және 14 – өңдеу өнеркәсібі) үлесіне елдегі электр қуатын тұтынуының 62% тиесілі.
Үкімет қолға алған шаралардың нәтижесінде барлық ірі кәсіпорындар энергия аудитін жүргізді. Олардың 23-і екі рет өткізді.
Энергия аудитінің қорытындысы бойынша 42 кәсіпорын энергия үнемдеу бойынша іс-шаралар жоспарын әзірледі.
Энергия үнемдеудің орташа әлеуеті – 6%.
2014 жылдан 2019 жылға дейін ірі кәсіпорындар энергия тиімді іс-шараларға 145 млрд теңге инвестициялады. Экономикалық тиімділігі 16 млрд теңгені құрады.
34 кәсіпорын өнім өндірудегі энергия тиімділігінің үлестік көрсеткіштерін төмендетті. Мысалы, “Қазмырыш” аффинирленген алтын өндіруге жұмсалатын электр энергиясының үлестік шығынын 13% төмендетіп, едәуір нәтиже көрсетті.