Toyota Tsusho корпорациясының вице-президенті Хидеки Янасе құрметті консул болды
Өздеріңіз білетіндей, «Toyota Tsusho Corporation» – бұл әлемдік компания және Toyota Group сауда компаниясының мүшесі. Компания автомобильдерді, жүк көліктерін, болаттан жасалған бұйымдарды, өнеркәсіптік машиналарды, химиялық өнімдерді, сондай-ақ ішкі және сыртқы нарықтарда энергияны сатады. Toyota Tsusho бірінші кезекте Оңтүстік-Шығыс Азияға, Қытайға, Таяу Шығысқа және Латын Америкасына автомобильдер экспорттайды.
Toyota Tsusho корпорациясының стратегиялық маңыздылығын ескере отырып және екіжақты іскерлік байланыстарды одан әрі нығайту және мәдени-гуманитарлық байланыстарды дамыту мақсатында 2020 жылдың 3 қыркүйегінде Токиода Тойота Tsusho корпорациясының вице-президенті, Қазақстанның Тюбу аймағындағы құрметті консулы Хидеки Янасені тағайындау рәсімі өтті. Консулдық патентті Қазақстан Республикасының Жапониядағы Елшісі Ерлан Баударбек-Қожатаев ұсынды.
Toyota Tsusho корпорациясының бас кеңсесі Тюбу аймағының әкімшілік орталығы, елдің жетекші өнеркәсіптік торабы және өндірістік базасы болып табылатын Нагояда орналасқан. Автокөлік, машина жасау, металл өңдеу, электротехника сияқты көптеген салаларға негізделген аймақ экономикасы Жапония ЖІӨ-нің шамамен 20% құрайды.
Салтанатты шара барысында қол қойылған келісімге сәйкес екі ел арасындағы инвестициялық ынтымақтастықты арттыру үшін бірқатар нақты шаралар анықталды.
Өз кезегінде, құрметті консул Х.Янасенің іскерлік сапалары мен жұмыс тәжірибесі оған Қазақстан Республикасының құрметті консулының функцияларын лайықты орындауға мүмкіндік беретіндігін атап өтіп, аймақтың әлеуетін ескере отырып, Жапония мен Қазақстан арасындағы инвестициялық және технологиялық ынтымақтастықты орнатуға күш салуға ниетті екенін растады.
Қазіргі уақытта Жапонияда Кюсю, Кансай және Тюбу аймақтарында Қазақстан Республикасының 3 құрметті консулдықтары жұмыс істейді.
Коронавирустық пандемияның әсеріне қарамастан, ағымдағы жылдың қаңтар-маусым айларында екі мемлекет арасындағы екіжақты сауда 805 миллион долларды құрады (2019 жылдың деңгейінде), ал қазақстандық экспорт 550 миллион долларға жетті, өткен жылдың сәйкес кезеңімен салыстырғанда 16% артты.
Хидеки Янасе, мансап
Toyota Tsusho Corp атқарушы вице-президенті болды
Toyota Tsusho Corp басқарушы атқарушы директоры,
Нагоя технологиялық институтын бітірген;
Директорлар кеңесіне мүшелік:
Toyota Tsusho Corp, Tomen Electronics Corp
Toyota Tsusho Corp Басқарма мүшесі
04.04.2019 бастап – қазіргі уақытқа дейін
Tomen Electronics корпорациясының Басқарма мүшесі
06.06.2013 бастап – осы уақытқа дейін
Исабаев Дулат, «YaPresident.com»,
Қазақстан Республикасы Сыртқы істер министрлігінің баспасөз қызметі