2016 ж. 9 шілдеде Қазақстанның Мексикадағы Елшілігінде бұрын ағымдағы жылдың мамыр айында 2016 жылғы қыркүйекте өтуі жоспарланған қазақстандық боксшымен жекпе-жектен бас тартқан мексикандық Сауль «Канело» Альвареске тиесілі Чемпиондық белдікті табыс етудің және орта салмақтағы WBC (Дүние жүзілік бокс кеңесі – WorldBoxingCouncil) нұсқасы бойынша Әлемнің абсолютті чемпионы атағын ресми беру рәсімі болып өтті. Аталған іс-шара WBC ҚР Мексикадағы Елшілігімен бірлесіп ұйымдастырылды. Табыс ету салтанатына халықаралық спорт ұйымдарының басшылары, іс жүзіндегі және бұрынғы бокстан әлем чемпиондары, жетекші мексикандық және халықаралық спорт шолушылары, сондай-ақ 40-тан астам мексикандық және шетел телеарналары мен басылымдарының өкілдері қатысты.
Марапаттау рәсімін кіріспе сөзбен WBC президенті Маурисио Сулайман ашып, аталған іс-шараның маңыздылығы мен символдығын ерекше атап өтті, себебі, ол әлемге нағыз чемпион және көрнекті спортшы – Геннадий Головкинді берген Қазақстан Республикасының Елшілігінің ғимаратында өткізіліп отыр. Өз кезегінде, ҚР Мексикадағы Елшісі Андриан Елемесов Г. Головкинді марапаттау рәсімінің Елшілікте өткізіліп отырғанын мақтан тұтатынын атап өтті, өйткені ол барша әлемде Қазақстан туын абыроймен көтеріп келе жатқан көрнекті спортшы ғана болып қоймай Астанада өтетін «ЭКСПО-2017» елшісі. Осыған орай, қатысушыларды келесі жылы елімізде өткізілетін Халықаралық мамандандырылған көрмеге белсенді қатысуға шақырды. Баяндамадан кейін іс-шара қонақтарының назарына «ЭКСПО-2017» фильмі көрсетіліп, Қазақстан туралы тиісті ақпараттық материалдар таратылды.
Іс-шара жоғары деңгейде өткізілді, шақырылған қонақтар еліміз туралы белсенді қызығушылықтар танытты. А. Елемесов пен Г. Головкин бірқатар мексикандық және шетелдік БАҚ-қа көптеген сұхбаттар беріп, қазақстандық спорттағы жағдай туралы ғана емес, сонымен қатар Қазақстанның ел ішіндегі және сыртқы саяси сахнадағы соңғы жетістіктері туралы баяндап берді.
WBC басшылығы келесі конференциясын 2017 жылы Астана қаласында «ЭКСПО-2017» көрмесінің барысында өткізуге ниетті екенін ресми қуаттады.