Ақтөбеде елорда күнін кең ауқымда мерекелеуде
Астана күнін мерекелеу құрметіне орай Ақтөбеде бірқатар өндіріс орындары іске қосылды. Бұдан өзге, толыққанды мәдени-көпшілік бағдарлама дайындалды.
Қаланың нағыз спортшы және белсенді тұрғындары Астана күніне арналған дәстүрлі веложарысқа қатысты. Веложарысқа қатысушылар ертемен ҚР Тұңғыш президенті саябағынан бастап Абай атындағы желекжолдың гүл бағында «Нұр отан» партиясының облыстық бөлімшесі ғимаратының алдындағы алаңға дейін жарысты.
Осында Астана күнін мерекелеудің Ақтөбедегі ресми ашылуы өтті. Қаланың шығармашылық ұжымы тамаша концерттік бағдарлама ұсынды.
Салтанатты шараға облыс әкімі Бердібек Сапарбаев қатысты. Өңір басшысы мерекеге жиналғандармен бірге Түргенев көшесінен Есет батыр көшесіне дейінгі Абай атындағы жаңартылған гүл бағын қарап шықты. Қайта жаңартудың арқасында гүл бағы жай ғана қыдыру аймағы емес, белсенді демалыс аймағына айналды: екі балалар алаңы, жаттығу құралдары бар спорт алаңы мен воркаутпен айналысу алаңы салынды, сонымен қатар 230 қылқанды және жапырақты ағаштар отырғызылды.
Жаңартылған желекжолда қаланың порфюмерлік және қыш бұйымдарын жасау мектептері өнімдерінің, қолданбалы өнер шеберлері бұйымдарының көрме-жәрмеңкесі өтіп, түрлі ойындар, викториалар мен конкурстар ұйымдастырылды. ROBOTIХ KAZAKHSTAN компаниясының роботтарды көрсету және роботтарды құрастыру мен басқару бойынша шеберлік сабақтары ерекше қызығушылық туғызды.
Астана күніне арналған мерекелік бағдарламалар мен мәдени-көпшілік шаралары бір мезетте саябақ, гүл бағы сынды қаланың басқа алаңдарында және облыс аудандарында өтуде.
Кешкі сағат 20:00-де ҚР Тұңғыш президенті атындағы мәдениет және демалыс саябағында, «Ретро» саябақта, «Нұр Отан» партиясының облыстық бөлімшесі алаңында, сағат 19:00-де А.Пушкин атындағы саябақта басталатын бағдарлама қызықты әрі толыққанды болмақ.
Облыс әкімінің баспасөз қызметі